-
Mir si bim Mami u Brösi (Grosi u Grösi :)) ga z’nachte u hei e schöne Abe dörfe zäme verbringe mit guete Gespräch.
-
Dieser Tag het Aschi d’10 cm-Hürde gno u schynbar ghört er mi itz mittlerwiele o. Drum hani itz agfange mit Manus Buuch z’rede. Aschi fragt sech öppe o es bitzeli =)
-
Dank Aschi (auso dr’Schwangerschaft) het d’Manu ganz fiini, fluumigi Gotlette übercho =) Fluumig wiene Pfirsich… Wo sie se zeigt het, het sie se aus „jungi Haar“ beschrybe. Mi hets fasch gchlepft vor Lache!
-
Es isch schön u o lustig we dr’Aschi bereits us üsem Umfäud so gnennt wird; o wenns nume e Übergangsname isch.
-
Da gö Grosseutere-Freude richtig los. Ds’Mami chunnt usem Schwärme nid use u dr’Brösi freut sech o scho uf si neue Name „Grösi“ 🙂
-
Mir hei üs hüt geeiniget ufe Name wo üse Nachwuchs treit solang mir no nid wüsse wases git. Mir nennes Aschi.
-
Mir überchöme Nachwuchs! Und sit diesem Wuchenend isches offiziell u endlech kes Gheimnis meh wome muess luege was me seit.
-
Mi zwoit Bsuech bim Frouearzt. Es isch ungloublech was meh scho aues erkennt!
-
Mir si bi Sterrys zumne Kafi ga verbiluege. Dr’Ste geits wieder sichtbar besser, da bini sehr froh drüber.
-
Mir si wieder d’Ste ga bsueche ir Insu. Es geit ihre scho wieder besser u vorauem cha sie morn wieder hei!