-
Hie no es chlises Video vor Sandra ufem Gigampfi.
-
Dr Urs, üse gmeinsam Götti-Bueb, isch 7ni worde u geit abem Mänti de o scho id’Schueu. Wie d’Zyt vegeit.
-
Mir hei beidi Familie Eggima z’Bsuech gha u gmeinsam e super gmüetleche erschte Ougschte zäme gfyret. Die neu igrichteti Terrasse macht grad viu us u isch äbe scho viu gmüetlecher.
-
I ha chli früecher Fyrabe gmacht zum ds’schöne Wetter no chli ir Badi chönne z’gniesse. U ha de o no grad mini Cousine troffe woni doch scho syt mehrere Jahr nüm ha gseh.
-
D’Sandra het hüt ihre erscht Geburtstag gfyret u Familie sowie Götti u Gotte iglade. Sy het sichtlech Spass gha u wird o i Zuekunft no viu Freud ha a au dene flotte Spiusache wo sie neu übercho het. Viele Dank euch aune.
-
Mischu, Manus Schwager, isch 40i worde und da hei mir natürlech in Persona wöue gratuliere. Er isch totau überrascht worde vor Mengi a Lüt wo sy verbi cho zum ihm gratuliere 🙂
-
Sterrys sy zum Znacht zu üs cho und mir hei zäme säuber Cordon-Bleu gmacht (gfüut mit Rohschinke, Vacherin und Spinat). Das sy gloub die beschte(!) Cordon-Bleu gsy woni bis dato ha gässe.
-
I ha mi digitau Biuderrahme itz mitere Hampfele Fotos vor Familie (primär vor Bohne) gfüeut u cha itz Föteli vo ihre gniesse wenni bim schaffe grad chli Ufmunterig bruuche.
-
Diese Morge isch d’Sandra zum erschte Mau vo ihrem Grosi ghüetet worde, während d’Manu es Probeschaffe gmacht het.
-
D’Familie Eggima (u Ahäng) het sech in Chnoflige troffe zumene Eiertütsch u chli sy. I ha da de o grad mi chürzlech neu Trick/Technik zum Eier schinte chönne demonstriere – u stuunend-verwundereti Blicke gerntet aus Reaktion.