-
D’Laura isch flyssig am Fortschritte mache. Grad i de letschte Tage het sie agfange ihre Oberkörper id’Luft z’stemme – es isch numeno e Frag vor Zyt bis sie desume schnagget.
-
D’Sandra isch bim Grosi i de Ferie u die Glägeheit zu Wort z’cho het d’Laura umgehend gnutzt.
-
Bim Znacht ässe het d’Laura plötzlech agfange „Gugus, Dada“ z’spiele mit ihrem Nuschi. Da hei mir natürlech ghoufe mitspiele. MEHR ANZEIGEN
-
Syt hüt cha d’Laura richtig am Tisch hocke mit üs. Es isch no chli waggelig, aber sie freut sech sehr dass sie itz meh cha teilnä; und o d’Sandra freut sech o sehr cha sie itz besser mit dr’Schwester löle…
-
Die neuschti Mode vor Laura isch, ihri Socke ab z’zieh und gnüsslech druf/dran ume sabbere (so richtig flotsch nass). So tiffig wie sie fang dr’Socke abem Fuess bringt, lö mir guet u gärn es haubs Dotze Socke düre pro Tag.
-
Da mir no i d’Stadt hei wöue, hei d’Sandra u ig üs nume churz es Joghurt teilt damit mir öppis im Buuch hei. Auerdings sy mir itz sowit, dass d’Sandra dr’Päpu füetteret und nüme angersume 🙂
-
Syt dere Wuche cha sech d’Laura o vom Buuch wieder ufe Rügge chehre, wenn o no zaghaft und ersch vereinzelt.
Leider ha ig säuber bis itz jedes Mau verpasst wes passiert isch 🙁
-
Üser Töchtere chöi ja so lieb sy zäme. Oschön z’gseh wie d’Laura vor Sandra scho viu abluegt.
-
Wüu ig i de vergangene Tage regumässig chli länger (z’lang) bügle, het d’Sandra e neui Wortkreation erfunge: „Päpu tuet wieder späterle.“
-
D’Laura het ds’nächscht grössere Bett übercho u het sech vo Afang a wohl gfüehlt dinne. D’Sandra het mir iifrig ghoufe bim zämeboue u de o grad aui wichtige Spiusache für d’Laura verbi bracht 🙂