-
Hie isch no es chli äuters Video vor Sandra wie sie e Bürzliboum macht. Mir hei’s scho länger uf YouTube uecheglade gha, aber irgendwie hets es nid ufe Blog gschafft…
https://www.youtube.com/watch?v=bkojYr-1bYg
-
Hüt wo d’Sandra und ig üs für ds Vieri häregsetzt hei, het üs d’Laura rächt überrascht. Plötzlech isch sie ufem Buuch gläge… Het sech s erschte mau säuber dräit 🙂
-
Dr TV Heimberg het die grossi Turn-Uffüehrig gha und ds’MuKi-Turne het die ganzi Show eröffnet. D’Sandra het viu Freud gha a ihrem Uftritt o wenn sie aus Nest-Häkchen no nid aui Figure mitgmacht het.
https://www.youtube.com/watch?v=32ff0zCQ_TM D’YouTube Video-Stabilisierig het mir hie echt dr’Arsch grettet. I ha d’Kamera drum nume mit eire Hang chönne häbe, wüui ufem angere Arm d’Laura treit ha (mä ghört se ca bi 1:22 :))
-
I bi hüt chli später hei cho, was dr’Sandra schinbar recht het z’denke gä. Drum het sie extra no Öppis für mi gchochet und agrichtet. So härzig!
-
Sit wenige Tage faht d’Sandra afa bhoupte „Mami/Päpu het gseit i darf“. Sie muess aber no chli dranne schaffe u besser luege, dass die gnennti Person nid grad näbe dranne steit 🙂
-
Üsi chlini Laura wird scho i dem junge Auter es richtig gsprächigs Meitschi, um nid z’säge e Ploudertäsche – vo wem sie äch das o hett? 🙂
http://youtu.be/RU-sK68DVb0
-
Es isch scho verblüffend wie d’Laura vorwärts macht. Sie hebt mittlerwiele dr’Chopf scho über mehreri Minute – teilwys zwar scho mit rechtem Chopfnicke aus wär se amne Rock-Konzert 🙂
Eigetlech wüsse mir gar nid wie lang sie dr’Chopf säuber chönnt häbe. Mir breche vorher ab und positioniere sie um, schliesslech wei mir ja o nid, dass sie d’Nase atätscht.
-
Es chönnt guet sy dass d’Laura bereits afaht Zahne. So wie sie mi Arm vousabberet wese im Flüger ha bruchi aube ke Duschi meh – oder ersch recht eini 🙂
-
Nachdem ds’Schöppele vor wenige Tage so guet klappet het, hani hüt Abe problemlos chönne Hüeti-Dienst übernä während d’Manu i Rückbiudigs-Kurs gange isch.
-
D’Laura macht zünftig Fortschritte – sie het itz erlickt, dass sie das hangende Stofftier säuber cha astubse und när bambelet’s u rasslet’s.