I ha es chlises Video chönne mache wie d’Bohne mit ihrne Bäbi spiut u chüderlet. E seuteni Freud woni schüsch nid glich mitüberchume.
Woni mit dr’Sandra bi ga kömerle het sie unbedingt ufeme schmale Simsli (ca 8cm) wöue balanciere und mi de o grad verblüfft het wüu sie’s gmacht het aus wär sie nie angers gloffe.
Nach wenige Tag mit dr’Laura erschynt mir d’Sandra grad mindestens es haubs Jahr älter worde z’sy – sie macht aber o grossi Fortschritte i aune mügleche Bereiche. I bi so stouz uf mi Hüehnerhuufe :)
Mir sy daheime acho und hei üs o grad sofort guet iglebt. D’Sandra isch e Schatz vo grosser Schwoscht und immer sehr hiufsbereit und fürsorglech. Zuesätzlech faht d’Laura meh und meh afa d’Ouge uftue und umezluege. Es isch e wunderschöni Zyt so.
D’Sandra isch ihres chline Schwösterli cho bsueche und het d’Laura ganz schnäu i ds’Herz gschlosse.
Hüt het üs d’Sandra grad 2 mau überrascht. Zum einte het sie vo de Cousin sofort erfougrich abgluegt wie mä uf ds’Schouku-Ross stigt und wieder drab chunnt. Aber no überraschender isch gsy wo sie üs ihri Adresse verzeut het ohni das mir öppis hei vorgchüschelet.
Syt 2 Nächt pfuuset d’Bohne nüm im Schlafsack sondern het itz e eigeti Dechi. Mir hei zwar ds’Gfüeu dass sie viu z’heiss het so, aber sie wott sech partout nid abdecke…
D’Sandra het mi vou verwütscht wo sie hingerem Rügge e Gägestand plötzlech vor einte i die angeri Hand ta het. Und sie het’s grad so guet begriffe, dass sie nid jedes Mau wechslet so dass mä würklech nüm cha sicher sy.
Einisch meh verblüfft üs d’Sandra mit ihrer Art. Hüt het sie üs plötzlech zeigt, dass o sie Nuschi am Bode nume mit de Füess cha uflese… U vorauem zueverlässig u Glichgwichts-sicher!
Mir hei de grad es chlises Spieli drus gmacht und d’Nuschi vo Fuess zu Fuess witergä ohni dass es abegheit.
Wie sech usegsteut het, het d’Manu mit dem Trick fasch am meischte Müeh, was aber mitem schwangere Buch o guet erklärbar isch.