D’Sandra het es erschts Mau dörfe dusche anstatt bade. Zu üsere Überraschig het’s ihre sehr guet gfaue – sogar so guet dass ds’Theater ersch bim usecho het agfange.
Vor churzem het d’Sandra agfange ihri glernte Wörter zu eifache Sätz zäme z’setze. So verzeut sie mir am Abe regumässig vo ihrem Tag, was mi sehr interessiert (o wenn ihri Gschichte no einige Lücke und viu Interpretations-Spiuruum hei :))
D’Sandra het es neus Wort glehrt u das grad flissig güebt – sie cha itz neuerdings „Geek-Päpu“ säge, was mi usserordentlech freut u rüehrt.
Miner 2 Froue sy zäme am Musige gsy am E-Piano u d’Sandra het du no recht afa e Ballade zum Beschte gä – da isch viu Herzbluet dri gflosse :)
Endlech Wuchenend! So bi ig o mau mit ufe Spiuplatz im Quartier u mir hei mit dr’Sandra gspiut uf was sie so het Luscht gha.
I ha de no chli mit dr’Kamera umegspiut und es zwoits Video gmacht wo chli „kreativer“ isch vom Blickwinku, auerdings nid ganz so agnehm zum luege (bsungers im Voubiud nid…):
Sandras Fortschritte gö wyter – syt churzem isch sie immer wieder am Singe. Meistens singt sie Mani Matters „Heidi, mir wei di beidi“.
D’Sandra macht em Päpu es paar Sache nache wo nid unbedingt die pädagogisch wertvouste Lektione sy :)
Mir schynt aus würd d’Sandra dieser Tage jede Tag es neus Wort lehre. Eis vo de neuere, wo mi fasch verputzt isch „Bousi“ — Auerdings heisst das für d’Bohne „Gonfi“, was sech nid ganz deckt mit dem wo ig kenne :)
Wemer grad bim Rede sy: Sandras neuschts Wort isch „tunig“ (usgsproche wie gschrybe) wo sie jewius seit we ihre Öppis nid passt u sie e Lätsch schriist derzue :)
„tunig“ = truurig