-
D’Hockey-Saison het agfange miteme Match us dr’Champions Hockey League – IFK Helsinki gäge üse SCB. Am 9. Septämber geit de o d’Regular Season wieder los. Hach, wie mir üs druf freue!
-
Nach „nume“ 3 Jahr hei mir vom SCB Sekretariat itz ds’Agebot für 2 Saison-Abi übercho. D’Plätz sy sowou nach und uf dr’richtige Site vom Iisfeud – so dass mir dr’SCB 2 Drittu lang vo nachem gseh Goal schiesse 🙂
-
Hüt hei mir aus Gäscht vo üsem Finanzberater im Berner Hockey-Tempu (o Allmend oder PostFinance-Arena gnennt) chönne ds’dritte Haubfinau-Spiu zwüsche de Mutze und em HC Davos luege.
Ds’Resultat isch leider nid glich zu üsere Zfriedeheit usgfaue. Dr’SCB het zwar guet gspiut, aber leider ke Schiebe i ds’Goal bracht 🙁 So het’s de Bündner glängt mit ihrem einte Treffer (und amne Empty-Netter) o ds’drittu Spiu für sich z’entscheide 🙁
-
So flott, üse Finanzberater het sech bi mir gmäudet u gfragt ob mir Interesse hei ihn am Samschti a SCB-Match z’begleite 🙂
-
Botz hani banget, gfluechet u gfutteret mit üsne Mutze. Aber schlussendlech hei sie dr’Haubfinau-Iizug doch gschafft. Sie schyne ds’Messer am Hals irgendwie z’bruche…
-
Playoffs!!! Die wichtigsti Zyt im Hockey geit los … u i ha mit Fründe zum Znacht u Spiu-Abe abgmacht 🙂
-
Nach 43 Jahr gits im Schwizer Hockey ume e Cup-Sieger. U dä heisst SCB! D’Mutze hei’s gschafft vor Heimpublikum dr’Pokau z’gwinne.
-
Dr’SCB isch aus erschts (u vorerscht einzigs) Team für Play-Offs qualifiziert – e dütleche Ungerschied zu letschter Saison. Und e Umstand wo eim aus Fan nume cha es Lächle uf ds’Gsicht zoubere.
-
So flott, dr’SCB het dr’Cup-Halbfinau gäge ZSC i letschter Minute möge gwinne u steit itz im Finau gäge d’Chlote Grounders — e Mannschaft wo nid grad die beschti Saison het dieses Jahr.
-
O d’Mutze sy i Wiehnachts-Stimmig u hei i ihrem letschte Match im 2014 d’Tabelle-Füehrig überno – es super Gschenk für d’Mannschaft u für d’Fans.