-
I bi hüt chli später hei cho, was dr’Sandra schinbar recht het z’denke gä. Drum het sie extra no Öppis für mi gchochet und agrichtet. So härzig!
-
Wär hätt de das o gloubt. Dr’SCB wo mit Müeh u Not no id’Playoff cho isch, het em Quali-Sieger ZSC scho im erschte Spiu e Sieg abknöpft u dr’Heimvorteil errunge. Witer so, Giele!
-
Eifach chli umechaubere mit dr’Laura.
-
Die erschti Reis mit dr’Dachbox isch gmacht u i bi positiv überrascht wegem Sprit-Verbruch 😉 Dr’Board-Computer meint 7.2 Liter uf 100 Km – primär Autobahn mit 120.
-
Sit wenige Tage faht d’Sandra afa bhoupte „Mami/Päpu het gseit i darf“. Sie muess aber no chli dranne schaffe u besser luege, dass die gnennti Person nid grad näbe dranne steit 🙂
-
Üsi soebe beendeti Partie vo Pandemie Legacy isch a Spannig chum z’überbiete. Dr’Sieg isch uf derart uf dr’Kippi gsy, dass mir nume ke einzigi Charte meh hätte dörfe ufdecke… Aber so sy mir siegriich bliebe u hei d’Menschheit o im Juni (Story-Kampagne) grettet.
-
Recht spontan sy üs hüt Sterrys cho bsueche. Bi däm guete Wetter hei mir’s natürlech de nid la nä veruse z’hocke u z’dorfe u Sunne z’tanke.
-
Da mir ir Tiefgarage nüt söue verändere, hani haut säuber e eifache Ständer für d’Dachbox bastlet.
-
Am Donnschtigs-Spiuabe im phönix isch hüt e Journalischt verbi cho wüu er e Artiku zu Brettspiu ir Jungfrou Zytig wott schrybe. I bi gspannt was er schrybt, u obi no ufeme Photo wirde druffe sy 🙂
-
D’Ste het zu ihrem runde Geburtstag (mir säge hie nid wie aut :)) iglade zure Party mitem Motto „ikonischi Fium-Charaktere“. Nomau es „härzleche Glückwunsch“ und es het gfägt.
Die erschte Biuder sy Scans vore Polaroid-Kamera, drum isch d’Qualität nid so pralle…