-
Dür gschickts Irreleite hanis gschafft mit dr’Sandra ga Manus Geburi-Gschenk choufe ohni dass die chlini Zwetschge aues usplapperet daheime 🙂
-
I ha am phönix spiele in Thun e Tschuppele gueti Brettspiu, wo sträflech weni (bis gar nid) sy gspiut worde vo üs, vermacht – für die persönlechi Sammlig oder für d’Occassion-Chischte, wie ihne beliebt. Es git es guets Gfüeuh we mä so chli Öpppis cha zrügg gä.
-
Nachdem ds’Spiu“Pandemic Legac“ scho es paar Tag umeliegt hei mir’s itz endlech i Agriff gno. Wow! Das isch echt öppis ganz angers aus aues Bisherige.
In Pandemic Legacy spiele d’Spieler zäme um gmeinsam aus Team vor Süche-Schutz Behörde d’Menschheit vor 4 grasierende Krankheits-Erreger z’rette. Ds’Spezielle isch itze, dass mä im Verlouf vom Spiu ds’Spiu-Materiau söu modifiziere. Ds’Spiu chunnt miteme ganze Boge vou Chleberli wo mä unger gwüsse Umstände uf ds’Brett, d’Charte oder schüschtigs Materiau söu druf chlebe. No heftiger wirds, wenn mä mit…
-
Im Verlouf vor Zyt hei sech so es paar Brettspiu agsammlet, so dass mir itz e Usmischtete agfange hei. Aus erschts hei mir bi üs ir Gruppe nachegfragt ob öpper am Öppisem interessiert isch – dr’Rescht wanderet öppe de uf Ricardo oder so.
Es isch nid so dass das schlechti Spiu sy. Im Gägeteil, einzelni vo dene Spiu hei üs Stunde vo Ungerhautig glieferet. Es isch nume so, dass mittlerwiele angeri Spiu meh i üser Gunst (und de usgmischtete ir Sunne :)) stöh.
-
Nach langer, langer Zyt sy d’Manu u ig imne Chino wyt, wyt weg ga Star Wars luege.
Wyt, wyt weg isch vilech chli überitteret… Mir sy ds’Bern gsy 🙂
-
Es chönnt guet sy dass d’Laura bereits afaht Zahne. So wie sie mi Arm vousabberet wese im Flüger ha bruchi aube ke Duschi meh – oder ersch recht eini 🙂
-
Nachdem ds’Schöppele vor wenige Tage so guet klappet het, hani hüt Abe problemlos chönne Hüeti-Dienst übernä während d’Manu i Rückbiudigs-Kurs gange isch.
-
Mir sy vo Grosi u Grösi uf Schenke iglade worde alässlech Brösis Geburtstag u hei aui zäme es leckers Raclette gässe (ds’4. innert 16 Tag).
-
I ha chürzlech bim Schnyder e Modifikation vom Fell-Chrage i Uftrag gä. Itz hani’s chönne ga hole u bi rundum z’friede… Dank em neue Rieme chani dr’Chrage richtig satt zuezieh so dass kes Lüftli meh mi Haus erreicht; ideal für die frostigi Jahreszyt.
-
I bi z’erschte Mau a Donnschtigs Spiu-Abe vom Thuner Spiu-Lade Phoenix. I ha netti Lüt lehre kenne u de o grad 6 neui Spiu gspiut.