-
So, e erschti Bastlete mit de Chetteglieder hani gschafft, und derbi e mengi Respekt entwicklet für die wo es kompletts Chettehemd säuber mache…
Dä bitz hie isch ca 30cm läng und 20 cm breit.
-
Nachdem i üse Wiehnachtsboum ir Stube ufgsteut ha, het d’Bohne iri LEGO ghout und e chlinere Boum bastlet wüu sie bim Grosse ja nid wird ufemöge zum schmücke.
-
Mir hei bereits üses erschte Wiehnachtsfescht bi mim Mami und em Brösi in Schenkon dörfe fyre. Es isch schön gsy u d’Sandra het sech riesig gfreut über irer Gschenkli.
-
Ferie! Dies Jahr isch für mi fertig mit bügle, de ersch 2016 ume 🙂
-
I ha chürzlech wieder amne Ring-Tusch für Brettspiu mitgmacht u bi itze die ertuschte Spiu i mim Postfach ga abhole. Itz hei mir 9 Spiu daheime wo mir no bie gspiut hei… 🙂
-
Es isch e erschti Lieferig vo üser Mittuauter-Usrüstig itroffe. I cha itz afa Chettehemd bastle u d’Manu üebt fang mit Schiud u Schwert.
-
Obwou bereits Dezember isch, hei mir dr’Grill fürepackt und säuber Burger gmacht mit Haguhans-Burger vom Metzg (die sy ca 150 g pro Fleisch). Het richtig geili Burger gä wo so dick sy worde dass Chiefer-Usrenk-Gfahr bestande het 🙂
-
I finges schön wie sech üser Töchtere scho itz so guet zäme verstöh. Mir hoffe natürlech, dass das no lang so wird bliebe (zur Schonig vo de eigete Nerve :)).
-
Nachdem i geschter ir Romandie bi ga ds’ersteigerete Chinderbett abhole, hani hüt aues chönne zämesetze u dr’Sandra so e riesigi Freud mache.
Während em Zueluege het sie sich immer wieder bedankt und het’s chum möge erwarte bis ändlech aues isch zäme boue gsy und sie het chönne ufechlättere.
-
Mir hei es Bsüechli bir Familie Eggima gmacht damit mir üsem Göttibueb Urs chöi dr’säuber gmacht Adventskalender verbi bringe. Es isch grad i dene Momente immer wieder schön z’gseh wie guet Cousin und Cousine mit dr’Sandra chöi – sowou spiele, aber o chli uf se ufpasse.