-
Woni mit dr’Sandra bi ga kömerle het sie unbedingt ufeme schmale Simsli (ca 8cm) wöue balanciere und mi de o grad verblüfft het wüu sie’s gmacht het aus wär sie nie angers gloffe.
-
Nach wenige Tag mit dr’Laura erschynt mir d’Sandra grad mindestens es haubs Jahr älter worde z’sy – sie macht aber o grossi Fortschritte i aune mügleche Bereiche. I bi so stouz uf mi Hüehnerhuufe 🙂
-
So guet, da dr’November so warm isch im Moment, hani doch grad ume eis dr’Grill füregno und agworfe. Das cha viu!
-
Ah, und für aui wo Interesse hei üs cho z’Bsueche, dir syt härzlech wiukomme. Bis am 15. Nov. isch Pädu ebefaus dr’ganz Tag daheime.
-
Mir sy daheime acho und hei üs o grad sofort guet iglebt. D’Sandra isch e Schatz vo grosser Schwoscht und immer sehr hiufsbereit und fürsorglech. Zuesätzlech faht d’Laura meh und meh afa d’Ouge uftue und umezluege. Es isch e wunderschöni Zyt so.
-
Mir hei uf Ricardo es TrippTrapp für d’Laura ersteigeret, es ganz es Spezieus wie sech het usegsteut – ersteigeret vo Sir Roger Moores Schwiegertochter, sy sicher Bond-Enkuching druffe ghocket.
-
Sie isch da! D’Laura Lyanna isch hüt Abe am 23:43 gebore worde. Üsi Freud isch riesig!
-
Mir sy dieses Wuchenend i ds’Stammertal uf Familie-Bsuech u hei e sehr agnähmi Zyt dörfe bi mire Gotte u Familie verbringe. Und d’Sandra und ihri Ur-Oma hei ume eis Glägeheit gha e chli Zyt zäme z’verbringe.
-
Chum hei mir die 3. Rate vo de Stüüre izaut, chunnt scho ds’Schrybe vom Amt wo üs mitteilt dass mir letscht Jahr ume z’viu zaut heige. Da cha sech würklech dra gwane 🙂
-
Hüt het üs d’Sandra grad 2 mau überrascht. Zum einte het sie vo de Cousin sofort erfougrich abgluegt wie mä uf ds’Schouku-Ross stigt und wieder drab chunnt. Aber no überraschender isch gsy wo sie üs ihri Adresse verzeut het ohni das mir öppis hei vorgchüschelet.