-
I ha es chlises Video gmacht wo zeigt wie d’Sandra versuecht ihrer chline Schwöster Socke a’zlege. Sie het nume mässig Erfoug…
-
Diese Abe sy miner Ricardo-Auktione für PlayStation3, Games und Lenkrad fertig worde und totau isch meh zäme cho aus ig im Vorfeud erhofft ha. So gfaut’s – meh Batzeli u meh Platz 🙂
-
Mir hei üs die Wuche entschiede hüt es feins Raclette z’ässe, und lueg itz, itz faht’s doch pünktlech derzue no afa schneie 🙂
-
Mir hei d’Biuder vor Photographin usem Spitau übercho.
-
I bi mit dr’Bohne ga ichoufe und bi bir Kasse agsproche worde und ha Lob erhaute: „Schön, mau wieder e normale Name zghöre für nes Ching, u nid so Öppis moderns wo niemer weiss wie schrybe“. Made my day 🙂
No es paar chlini Infos zu dere Person: er isch männlech gsy, knapp jünger aus ig und schynbar o am plane für Familie über-nächscht Jahr.
-
(Gotte) Gabi, aues Liebe u Guete zum Geburtstag. Es het gfägt bi euch z’fyre und uf di azstosse.
-
I ha es chlises Video chönne mache wie d’Bohne mit ihrne Bäbi spiut u chüderlet. E seuteni Freud woni schüsch nid glich mitüberchume.
-
U no grad es Päckli meh isch acho bi üs – die erscht Bio-Food us dr’Region-Täsche wo mir neu abonniert hei. Mir hei itz Rüebli i 3 Farbe, Häppere, 3 verschiedeni Salät, Broccoli, Fenchu, Öpfle und e haube Chürbis vo Nofle (usem Gürbetal).
-
Ds’Bond-TrippTrapp isch cho und d’Sandra u ig hei drufabe meh aus e haub Stung lang üse Spass gha und mit dr’Karton-Chischte umeglölet. Es macht Freud wieder chli Ching z’sy.
-
I ha mi hüt so chli aus Guafför versuecht, mit meh Erfoug aus initiau erhofft. D’Manu het scho gwitzlet i heig „mini Bruefig verfäuht“ 🙂