-
Chum isch Herbst-Afang hei mir üs es Fondue gnemiget 🙂 Angers aus bim letschte Mau het sech d’Bohne aber nid glich derfür la begeistere. Jänu, das chunnt de sicher no.
-
U o dr’zwoit Heim-Match vom SCB hani im Stadion chönne luege, leider aber diesmau ke Sieg… Aber (Götti) Mike het’s sicher glich gnosse wieder mau amne Match z’sy 🙂
-
Chum nach sir jüngere Schwoscht het o (Götti) Mike sy Geburtstag u zure Burger-Party zu sine Ehre iglade. O dir, Mike, aues Guete a dim Geburtstag – la di la fyre, hesch dir’s verdient.
D’Sandra hets bsungers so lang im Usgang z’sy bis sie no ds’letschte Ching isch gsy. Sie chas haut äbe nid nume guet mit Ching sonder wicklet o (fremdi) Erwachsni ume Finger 🙂
-
Da i dr’Swisscom nid e neui Sim-Charte ha wöue abchoufe, hani haut eifach mini bisherigi ufene Schablone gleit und „fachgerecht“ säuber zuegschnitte. Chli Kante schliife und scho het das wunderbar passt und uf Ahieb funktioniert 🙂
-
Üsi gueti Fründin, ds’Reby, het zur Geburtstags-Fyr iglade, was mir üs natürlech nid hei la entga. Happy Birthday Reby, gniesses mitem älter werde solang no ds’2 am Rügge bliebt 🙂
-
Was fürne Match! Obwou mir üser SCB-Abos eigetlech witer verchouft hei, hani dr’Saison-Uftackt im Tempu vo de „eigete“ Plätz us dörfe miterlebe – u när no grad ds’Tatze-Derby gäge Langnou.
-
Mie hei ume eis e Bsuech bim Frouarzt gmacht u hei e Blick uf Pfupf gworfe. Sie entwicklet sech sehr guet was üs sehr freut. Ah, d’Sandra het bim Ultraschaue dörfe häufe und em Doktor de gar 2-3 mau zviu ufem Computer umedrückt 🙂
-
Usem Nüt use het mi d’Manu miteme ibeizte Rehpfeffer mit Chegele, Rotchrut u Spätzli überrascht. Sie isch zu urecht usicher gsy, ds’Esse isch super fein gsy!
-
Nachemne Juli mit viune Feschtli ha ig nachem 1. Ougschte beschlosse e Alkohou-freie Ougschte z’mache, wo ig soebe ohni Abstriche cha erfougriche abschliesse.
Es het es dr’eint oder anger Moment gä woni gärn hatt agstosse, aber abgseh vo dem hani nie drum truuret oder ds’Riisse gha.
-
Mir sy in Excenevex zure Wuche Glamping (Glamour Camping) acho und hei üses vorinstallierte Wohnmobil chönne i Bezug nä. Das wird sicher e gmüetlechi Wuche.