-
Ferie 🙂
-
I ha mir mit Manus Hiuf d’Haar gfärbt (oder äbe la färbe), u das nid mau wäge de graue Haar (wovon ig ja eh kener ha :)), sondern wüu ig chürzlech es äuters Foto ha gseh vo mir mit gfärbte Haar.
-
Recht spontan hei mir üs entschiede bi däm soso-lala Wetter e Bsuech im Tierpark Dählhölzli z’mache – o chli ir Hoffnig es syg de nid gstungget vou. D’Sandra het viu Tier chönne bestuune u het o no daheime viu vo de gsehne Tier i ihrne Büechli nomau füre gsuecht.
-
Bi dem schöne Wetter hei mir üsi chürzlech gchoufti Wasserballon-Abfüllmaschine usprobiert und dr’Sandra totau a die 100 Wasserballön gmacht 🙂 Sie het viu Freud gha a de Ballöne und dr’ganz Rase abgschosse.
-
D’Hockey-Saison het agfange miteme Match us dr’Champions Hockey League – IFK Helsinki gäge üse SCB. Am 9. Septämber geit de o d’Regular Season wieder los. Hach, wie mir üs druf freue!
-
Nachdem i geschter e ganze Tag dranne vergrüblet ha, isches mir hüt glunge dä Bug uf dr’Website uf iPhones z’lokalisiere und entsprechend o z’behebe.
-
Dr’John u d’Sandra, sini Partnerin, sy ufe Mittag zu üs cho zum gmeinsame Grille, chli Sy und Laffere. Mit so gmüetleche Sunntige laht sech d’Wuche guet la usklinge.
-
Trotz em Hudu-Wetter bini mit dr’Bohne zum Zulgspitz füre gspaziert (i meh aus sie). Ungerwegs het sie viu Freud a de Glungge bewiese – syg’s mit drigumpe oder schüsch chosle. Aber o schüsch isch üs nid längwilig gsy ungerwegs.
-
I ha mir hüt a üsem „Brot und Spiele ;)“ Abe es Spiu gwünscht woni vor 8 Monet mau ha übercho aber no nie gspiut: „El Grande“ (Spiel des Jahres 1996). Mir sy auso ohni Vorkenntnis i die Rundi und hei es packends und lustigs Spiu dörfe erlebe wo trotz em Auter vo 20 Jahr no immer verma z’packe u begeistere.
-
Ursli, üse Götti-Bueb, het si 8. Geburtstag gfyret und zum Fescht iglade. Happy Birthday Urs!