-
D’Manu u d’Sandra sy scho am Nami ds’Schenkon gsy u hei Sandras Grosi (mis Mami) bsuecht. I bi nachem Fyrabe o verbi u mir sy miteme feine Znacht bechochet worde.
-
So flott, üse Finanzberater het sech bi mir gmäudet u gfragt ob mir Interesse hei ihn am Samschti a SCB-Match z’begleite 🙂
-
Sowit sie mir itz auso scho. D’Sandra het mi bim Singe nachegmacht – mit grosser Freud, emne breite Lache im Gsicht und wiudem umefuchtle vo de Arme.
-
Botz hani banget, gfluechet u gfutteret mit üsne Mutze. Aber schlussendlech hei sie dr’Haubfinau-Iizug doch gschafft. Sie schyne ds’Messer am Hals irgendwie z’bruche…
-
Da d’Manu grad nid so het möge, ha ig haut allei es Brettspiu gspiut. Mini Wau isch uf Viticulture gfaue (das wo ig über KickStarter backed ha), da das es usgriefte Einzuspieler-Modus het. Und botz, dä Automa-Bot het mi recht möge ufrege wüu er mir guet dri gfunkt het. Schlussendlech hanis ir letschte Rundi knapp gschafft und ha doch no mit 22 zu 20 gwunne — aber das isch uf dr’eifachste Schwierigkeits-Stufe gsy *hmpf*
-
Mir schynt aus würd d’Sandra dieser Tage jede Tag es neus Wort lehre. Eis vo de neuere, wo mi fasch verputzt isch „Bousi“ — Auerdings heisst das für d’Bohne „Gonfi“, was sech nid ganz deckt mit dem wo ig kenne 🙂
-
D’Website het es neus Gwand — nach zwoiehaub Jahr darf mä gloub guet e chli früsche Wind und früschi Farbe uf d’Site bringe 🙂
-
Während d’Bohne ire Mittagspfüsu gmach het, hani miner erhandlete Spiu chönne uftue, aluege uf kontrolliere. I bi positiv überrascht worde, Eis isch no originauverpackt gsy u imne Angere sy aui Charte i spezieue Schützhüue.
-
U erneut hani mi mit Reby u Lüku troffe. Hüt hei mir üs über ihres Hochzyt ungerhaute wo ig ja Lükus Trouzüge bi. Speter, nachdem mir aues bemurmlet hei, hei mir mis chürzlech erworbene „Escape“ usprobiert.
-
Mir sy uf Dütschland ga miner Brettspiu-Päckli abhole u no chli ga lädele. Da hani ds’Spiu „Escape“ ir Aktion entdeckt u zuegschlage – u ha so nume knapp e Viertu soviu zaut wie ir Schwiz 🙂