-
Mir hei e uf dieses Jahr e neue Finanzberater zueteilt übercho und hei dä hüt chönne lehre kenne. Er isch glich aut wie mir u maht e sehr sympathische Idruck; und er isch gloub o ähnlech geekig wie mir 🙂
-
Trinksprüch vor illustere Sorte: „Holz leitet“ „Metau aber nid“ „Ach egau, isch beides Plastig“
-
D’Sandra het itz glehrt usem Becher z’trinke. Es het nume öppe 2 Zmorge brucht bis sie’s gchopfet het wie dass mes richtig a ds’Muu nimmt.
-
Itz wos endlech ume Schnee het, sy mir natürlech mit dr’Sandra use i Schnee, wobi sie auerdings nid so ganz warm isch worde dermit.
-
D’Manu u ig hei üs uf BoardGameGeek bir 10×10 Challenge igschrybe. Ziel isches innerhaub vomne Jahr 10 vo üs definierte Spiu (plus e Alternative) jewius 10 mau z’spiele.
Letscht Jahr bini mit mire ursprüngleche Liste kläglech gschiteret und uf lediglich 57% cho… Mit de 10 meischt-gspiute Spiu wäremer aber uf 98% cho, es isch auso knapp worde. Dieses Jahr isch d’Lischte dütlech weniger abetürlech und beinhautet nume Spiu wo mir kenne, bsitze u guet finge (letscht Jahr hani versuecht e müglechst viufäutigi Lischte z’mache). Bevor…
-
I has de Morge recht vergipflet… Mis Handy het ufem Display e Geburtstag agä wo mir de o gratuliert hei. Wie sech aber het usegsteut het ds’Conny aber ersch ire Wuche Geburi, und i ha am Morge nume dr’Alarm gseh…
I ha mir es Zytli lang d’Geburtstäg 7 Tag im Vorfeud la alarme, dasses mi nie unvorbereitet verwütscht. Het besser klappet aus denkt – um nid z’säge über ds’Ziu usegschosse z’sy 🙂
-
Recht spontan sy mir zu Manus Eutere (Grosmami u Ätti) zum chli käffele u sy. So hei mir o grad ihres brandneue Sofa „ifurze“.
-
D’Sandra het mit mir zäme agfange Memory spiele. Mir spiele mit ufdeckte Biuder u sie suecht när jewius ds’passende Gägestück zu däm wo ig zieh. Es isch e wahri Freud ihre zuezluege mit wieviu Freud u Engagement sie mitmacht.
-
Dr’SCB isch aus erschts (u vorerscht einzigs) Team für Play-Offs qualifiziert – e dütleche Ungerschied zu letschter Saison. Und e Umstand wo eim aus Fan nume cha es Lächle uf ds’Gsicht zoubere.
-
I ha spontan Luscht gha ufene Fium u gseh, dass mä bir Swisscom „Monsieur Claude und seine Töchter“ cha miete. E französische Fium mit viu Charme übere Monsieur Claude wo sech schwer tuet dass keni vo sine Töchter e gebürtige Franzose hüratet.