-
Dr’SCB het echt e Louf. Nach 6 Siege in Fouge ir Meischterschaft, hei d’Mutze hüt o im Cup gwunne (gäge Lugano) u sy itz im Cup-Viertufinau.
-
Aus Dankeschön für ds’Chatzehüete hei Brunners üs zum Znacht zumene super-feine Fondue-Chinoise iglade.
-
Üse letscht Spiu-Abe isch scho chli öppis her, drum hei mir diese Abe grad mängs neus Spiu zur Uswahl gha. Mängseh aus mir hätte chönne spiele :).
-
I ha d’Beschriftig vo Sandras Schublade gflickt, so dasses wieder guet lesbar isch.
-
I bi e schöne Löu… Irgendwie hanis gschafft knapp e Wuche z’früeh bim Zahnarzt itrudle. Die hei de aber äbe nüt vomene Termin wöue wüsse hüt 🙂
-
Ds’Päckli mit de Brettspiu woni dieser Tage füre Lüku ersteigeret, isch itroffe und es isch doch es recht grosses Päckli worde 🙂 Lüku wird sech freue.
-
Dieses Wuchenend sy mir uf Stamme und hei mini Gotte und Familie, sowie Sandras Ur-Oma bsuecht.
-
Hüt isch völlig überraschend es Päckli vo PostFinance im Briefchaschte glege für mi. Inhaut: es handgschrybnigs Begleitschrybe u 340 Gramm Schoggi vor Confisserie Läderach
-
We mä dr’Finger es birebitzeli nass macht u när dermit am Ohre-Loch geit ga chräbele, de tönts wie Pac-Man 🙂
I bitte Aui wo das hei müesse usprobiere churz e Kommentar z’hingerla 🙂
-
Lüku isch hüt 30gi worde u het e Überraschigs-Party übercho ungerem Motto „Superhelde“. D’Überraschig isch gloub guet glunge und mir hei aus verchleidete Huufe es fröhlechs Fescht gha.