-
Ufem wite Weg i Thurgou zu Manus Götti und Familie, hei mir no e Abstecher a Tag der offenen Tür vo Brösis Arbeitgäber gmacht.
Nach Jahre weissi itz nid nume theoretisch was Brösis Firma produziert, sondern cha mir das ändlech o konkret vorsteue und beschrybe 🙂
-
Und scho wieder e Geburtstag 🙂 Diesmau isch Mike (Sandras Götti) es Jahr äuter worde und het das miteme gmüetleche Grille mit Fründe gfyret. Happy Birthday (aute Sack :))
Es wird nid dr letscht Geburi bliebe i de nächschte paar Wuche 🙂
-
I bi ganz spontan iglade worde ds erschte SCB Heimspiu vor VIP-Tribüni us dörfe z’gniesse.
Wie sech het zeigt sy mir öppe die einzige Erwachsene gsy wo es SCB-Dress treit hei im VIP Bereich… Irgendwie es komisches Gfüeu…
-
Ds’Reby het Geburi gfyret und zum Fescht iglade. Mir wünsche nomau aues Guete u danke für de gmüetlech Abe wo mir hei chönne zäme verbringe.
-
D’Hockey-Saison het wieder agfange 🙂
Das freut mi ungemein o wenn dr SCB nid so gstartet isch wie mir üs das erhofft hei.
-
Nachdem mir ir Garage gschlüsslet hei, het üs ufem Heiweg a Aflug vo jugendlechem Übermuet übercho und üs verleit Sache z’mache wo besser nid sött drüber blogged werde 🙂
-
Hüt hani e „relativ“ eleganti Lösig gfunge zum bi generierte Mails so z’tüe aus wäre Attachments dranne obwou aui Files nume ufem Server liege.
I generiere chlini .html Dateie wo es simpus JavaScript Redirect enthaute uf d’File-URL. So bliebe d’Dateie ufem Server u choi immer aktualisiert werde, es werde weniger Date versendet (in KB/MB gmässe) und d’Mail-Postfächer vo de Empfänger platze nid glich. Wenn ig’s itz no irgendwie e Weg würd finge zum d’Datei-Icons im Mail-Program z’beiflusse wär ig…
-
Mir hei dr’haub Namitag mit üsne Nachbare verquatscht und sy so fliessend übergange zum gmeinsame Grille und de schlussendlech bis Mitternacht witer diskutiere 🙂
-
Wow, mir hei üs z’sechste höch troffe und e ca 4-stündigs Kampf um Westeros und dr’Iserner Thron gha.
Mir hei Game of Thrones ds’Brettspiu gspiut und i ha bim Uslose usgrächnet die unsympathische Greyjoys verwütscht. Aber jä nu, i ha nes zeigt zu was d’Ise-Männer fähig sy. Was tot ist, kann niemals sterben.