-
I ha mau öppis neus probiert bezüglech Frisur/Chopfbehaarig.
Mini summerlechi Alegi isch em warme Wetter z’verdanke:
-
Dr Urs, üse gmeinsam Götti-Bueb, isch 7ni worde u geit abem Mänti de o scho id’Schueu. Wie d’Zyt vegeit.
-
Mir drü sy hüt mit der Familie Eggima vo Chnoflige uf Morschach go bade i Swiss Holiday Park. Zwar het sech der Wäg dert häre rächt zoge (o nid zletscht, wöus er Sandra irgendwie nümm so passt het, allei hinge im Outo), aber d Badi isch cool gsy u mir hei aui üse Spass gha. Ufem Rückwäg sy mer ds Bärau im Adler no go z Nacht ässe. Isch u fein gsy – aber riiise Portione. Dahei isch d Sandra chum im Bett gläge, scho het si tief u fescht gschlafe.
-
Nach bau zwo Wuche Bett hüete mit höchem Fieber, isch d Sandra scho fasch wider ganz gsung (no chly müed vo de Antibiotika). Prompt het sy müesse s updatete Händy vom Mami usteschte u het mer e raglete Selfies gmacht (zum Teu mit mire Hiuf).
-
Mir hei beidi Familie Eggima z’Bsuech gha u gmeinsam e super gmüetleche erschte Ougschte zäme gfyret. Die neu igrichteti Terrasse macht grad viu us u isch äbe scho viu gmüetlecher.
-
Dieser Tage mau hani e eutere BMW M3 gseh miteme nette chline Spruch uf de tönte Schiebe…
-
I ha e neui IDE gfunge wo mi grad recht us de Socke hout. Im Verglich isch ds bisherige Tool zum programmiere fasch nume no e Text-Editor 🙂
-
Miner igschickte Lösige für d’Mensa-Puzzles sy beidi korrekt – itz heisst Düüme drücke für d’Verlosig 🙂
-
I bi per Zuefau über AngularJS (es JavaScript Framework für WebApps) gstouperet und bi heftig dervo beidruckt.
Für aui Interessierte: AngularJS — Superheroic JavaScript MVW Framework
-
I ha mis erschte Mensa-Vereinsheftli übercho und mi o grad direkt dra gmacht die 2 gsteute Puzzles z’löse, was mir de o glunge isch.
Miner Lösige hani o bereits igschickt – mä cha nämlech sogar öppis gwinne (zB es Abo für es spezieus Rätsu-Heftli)