-
I bi mitem John es Fyrabe-Bierli ga schnappe und ha ungerwegs no mi ehemalig Usbiudner us Lehrzyte troffe.
-
Mir hei mit dr’Sandra mau wieder dr’Spiegu-Test gmacht. Sie het grad sofort a die eigeti Nase glengt u nüm versuecht dr’Spiegu z’betape.
-
Im Zämehang vom Math Trade sy mir i ds Dütsche zum üser Spiu z’versende. Mir hei die Glägeheit gnutzt zum o grad chli i de Läde z’schmöckere und über die dütsche Priise z’stuune.
Allei d’Ersparnis wüu d’Päckli nid hei über Grenze müesse macht knapp 50.- us. Und d’Empfänger hei se ersch no grad schneuer im Briefchaschte.
-
D’Familie Rüfenacht-Recordon het üs zum Grill, Bier u Bilage iglade. E gmüetleche Abe.
-
Hie no es chlises Video vor Sandra ufem Gigampfi.
-
D’Resultat vom Math-Trade sy da! I/mir sy 3 Spiu los wo mir nid/nüm spiele u überchöme derfür 5 angeri Spiu wo üses Interesse gweckt hei.
Eigetlech würdes nume 3 Spiu sy, aber dr Eint het sis Agebot versüesst u 2 Charte-Spiu derzue gleit.
-
Vor einige Tag hani es Brettspiu nach Frankrich amene Winzer gschickt und itz ds’Tuschobjekt vo ihm per Post im Briefchaschte gha. E flotti Community 🙂
-
Mir sy hüt zum zNacht bi mire Schueufründinn, der Moni und ihrer Familie zum zNacht iglade gsy. D Sandra u ig sy bereits am Nammittag mitem Zug häre u Pädu isch när uf die Sächsi nache cho. I ha mir vorgsteut, dass d Sandra doch öppe de chly mitem Maurin, em jüngschte vo de drü Giele, würd spile…isch aber du nüt gsy, sy het angscht gha vor ihm – ömu zmingscht immer sobaud er uf se isch zuegloffe (louft no nid ganz sicher). Es isch schön gsy, hei mers nach so langer Zyt gschafft abzmache – i ha dä Abe sehr gnosse.
-
D’Freunde alter Landmaschinen (Sektion Bern) hei ihres 20-jährige Bestehe gfyret und es grosses Fescht verastautet. Mir sy da o ga luege und hei chönne stuune abeme Traktor vo 1929. De Cheib het öppe 20 Minute bruucht zum starte 🙂
-
Nach geile säuber gmachte Burger hei mir Star Wars: Edge of the Empire (es Pen-and-Paper Rollespiu) gspiut. I ha mi derbi aus GameMaster versuecht und ha müesse merke, dass das cheibe astrengend isch…