-
Dä Abe hei d’Bohne und ig zum erscht Mau allei (auso z’Zwoit) müesse z’Schlag cho. Mir si Beidi dr’Meinig, dass mir das super gmacht hei.
-
Das isch ja schnäu gange… Mis us de Staate ersteigerete Schwert (Ice, Sword of Eddard Stark us A Song of Ice and Fire [aka Game of Thrones]) isch bereits bi üs acho.
Uf dem Bild chunnt die speziell verzierti Klinge nid so zur Geltig. Hie geit’s zum Produktbild wome’s besser gseht.
-
D’Manu und i hei ds’neue Brettspiu „Jamaica“ usprobiert. Es optisch wunderschöns Spiu wo sech liecht laht la spiele; churzi, knackigi Rundene het; und mä schlüpft id’Roue vo Pirate!
-
Dieser Tage isch ds’Berndütsche Wörterbuech, wo mir bsteut hei, itroffe. Das isch e wahre Fundus für urchigi Usdrück und scho fasch e Duden für die Berndütschi Schrift.
Mi Favorit bis itze isch ds’Wort Chräätzigoum füre Chindergarte 🙂
-
Mir si uf Schenke ga ds’Grosi und dr’Grösi bsueche. Für d’Bohne isches ds’erschte Mau gsi, dass sie so wyt greiset isch. Und o ds’erschte Mau bim Grosi.
-
Es isch Thunfescht gsi und so bini mit Fründe zäme dür d’Gasse zoge u ha e gmüetleche, füecht-fröhleche Abe dörfe gniesse.
Zum Teil het’s ja Jugendlechi gha, die würd ig zu so später Stund nüm allei la umezieh, aber das isch es angers Thema.
-
Dr’Urs, üse Götti-Bueb, het hüt si sechst Geburi gfyret und zu Kafi u Chueche iglade.
-
I ha wieder mau e Marsch-Befeu übercho, diesmau steit aber bir „Art des Dienstes“ i wunderschöne Buechstabe „Entlassung“ – hach macht das Freud!
-
Mir hei üs nomau am Brettspiu „Die Zwerge“ versuecht und hei dank apasster Taktik e grandiose Sieg chönne heibringe 🙂 Znächscht Mau erhöhe mir dr’Schwierigkeitsgrad uf jede Fau.
-
Mir hei üs diese Abe mitem Lüku zäme a ds’Brettspiu „Die Zwerge“ gwagt und e doch recht klari Niederlage müesse erliede – u das uf dr’Schwierigkeit Afänger… 🙁 Aber Spass gmacht hets trotzdem u mir werdes wieder versueche 🙂
„Die Zwerge“ isch es kooperativs Spiu wo aui Spieler gmeinsam am gliche Strang zieh zum ds’Spiu z’besiege. Ds’Spiu louft uf Zyt (nach spätestens 48 Spiuzüg isch Schluss) und d’Spieler müesse e Viuzau vo Ufgabe erfüue zum ds’drohende Unheil chönne abwende. Jede Spieler schlüpft id’Rolle vomene Zwerg mit ungerschiedleche Fähigkeite (Kampf, Diplomatie, Handwerk) und mä versuecht…