-
Ds’Grosi und dr’Grösi si üs cho bsueche und so hei mir dä schön Namitag uf dr’Terrasse verbracht. Ds’Grosi het sogar chönne dr’Schoppe gä, was sie gloub ungloublech gfreut het.
-
Mir si spontan nachem Fyrabe no uf Steffisburg id’Badi und hei dert när mit Moors zäme znächtlet. So gäge Abe isches richtig friedlech ir Badi 🙂
-
Ir NZZ isch e glungne Artiku abdruckt worde über d’Sprach, schrägi Sprachblüete und wie dr’Feminismus (die Feminismusin?) Sätz zu Bousteue laht la werde.
-
D’Bohne het hüt e richtige Bsuechstag gha. Zersch si ihri Ur-Oma, mini Gotte u ihre Maa cho. Speter si no 2 Arbeitskollegine vor Manu cho.
-
D’Joelle het zum Zügle iglade, da hani nid chönne nei säge 🙂 Vorauem wüus mi für sie freut we sie itz o i dr’Region wohnt.
-
Mir hei üse Bude-Usflug gha. Am Nami si mir ga Kart fahre in Payerne u am Abe när fein ga ässe im Luce in Bern.
Für mi isches ds’zwoite Mau gsi ufere Kartbahn. Entsprechend bini recht schwach gstartet. Mit jedere witere Rundi bini aber besser u besser dri cho und so hanis im letschte Durchlouf zur zwoitbeste Rundezyt gschafft. I has aber o mau gschafft mi z’verbremse und prompt bini dr’verchehrt Weg näbe dr’Strecke glandet 🙂
-
I ha endlech Zyt gfunge es Video vo letscht Wuchenend ufe z’steue. Mir hei churz es Freudi gha ufem Chinder-Spiuplatz 🙂
-
I ha e neui Kategorie gmacht für die Biträg wo mir bsungers wichtig si oder wo spezieu viu si agluegt worde / hei Feedback erzügt.
-
D’Bohne het bim Wickle so fescht müesse niesse, dass ig bis Mitti Oberarm bi agschisslet worde; einzelni Sprützer sie über 2 Meter vom Wickutisch am Bode entdeckt worde. RESPEKT!
-
D’Manu u ig hei hüt üses 7-jährige Jubiläum. Irgendwie isch die Zyt scho schnäu verbi gange… Uf witeri 7 Jahr (u meh :))