-
E so schön, i bi bereits i mini dritti Polizei-Kontrolle cho 🙂 Diesmau hani sogar dörfe dr’Alk-Test mache – mitem Ergebnis vo 0.00 🙂
-
Wo üsi chlini Bohne bim Reby ufem Schoss glege und liecht a de Arme aghobe worde isch, het sie dr’Chopf säuber möge mitlüpfe – es geit irgendwie aues so schnäu 🙂
-
I ha mis au-jährleche Mitarbeiter-Gespräch gha. Es isch guet gloffe u dr’Chrigu isch sehr zfriede mit mire Büetz – das git es guets Gfüeuh.
Ds’einzig Negativ isch, dass ig mi verbrennt ha wüu ig d’Sunne ungerschetzt ha. Itz muessi mit grötete Arme umeloufe 🙁
-
Säuber gmachti Burger si haut eifach scho die beschte Burger :€
-
D’Manu het e Mikroweue gchouft und hei üs abem Handbuech sehr guet möge amüsiere. Nebst de übleche Verdächtige (kes Tier ir Mikroweue z’tröchne) het üs vorauem o erstunt, dasses VERBOTE isch Kochbüecher im Garruum z’platziere (ds’Handbuech aber genau dert isch platziert worde :)).
Es steit o drinne, dass me d’Mikroweue nume unger Ufsicht darf benutze weme Alkohol oder Medikament gno het. Fingi o nid so schlecht – vorauem itz bi üs düre Summer mitem GrillBiere.
-
Mir si vo Moors zumene Grille iglade worde und hei e gmüetleche Abe dörfe zäme verbringe. Nume d’Bohne het nid soviu vo ihrem Götti mitübercho soviu wie sie pfuuset het.
-
Mir si am Namitag a Thunersee chli ga sünnele und sy – i ha mi sogar i ds’Wasser gwagt (muetig muetig, i weiss :)). So schöns Wetter isch scho geil.
-
D’Manu u ig si üs sicher, dass üsi chlini Bohne bereits chräftig üebt wie meh sech vom Rücke ufe Buch cha chehre. Klappet het’s zwar no nid, aber we sie so witerüebt, de durets nüm lang.
-
I bi mit dr’Bohne vorem Spiegu gstange (mir hei dr’Flüger gmacht). Und i bi mir sicher sie het mit ihrem Spiegu-Biud afa ploudere u grinse 🙂 So süess!
-
Mir si bsuecht worde vom Reby und em Lüku u hei e glungne Abe mit Grill u Brettspiu dörfe verbringe. U ds’Reby isch e Meister im Goimele 🙂
Und entgege dr’gängige Meinig vor Manu („Pädu gwinnt geng“) het sie üsi recht längi Trivial Pursuit Rundi für sich chönne entscheide.