-
Endlich isch ds’Wetter u Temperature wieder besser worde u so hani mir d’Glegeheit nid la nä u ha prompt die churze Hose montiert.
-
Mir hei vo mine Budekollege (de mediacoding Globibänze) es Gschenk mit Charte zur Geburt vor Sandra übercho. Bsungers d’Charte gfautmir sehr guet. Viele Dank.
-
Das Wuchenend isch recht öppis gange. So isch spontan no dr’Cou-Cousin Bsuech cho.
-
Mir hei üs im Verlouf vom Nami mit Moors zum Spaziere troffe u hei aschliessend e gmüetleche Abe mit Spiis, Trank u guete Gespräch verbracht.
-
Ir Garage hei mir dä Abe wöue nutze zum ds’massive Gsteu umzpositioniere. Leider hei mir üs chli verschätzt u drum nid ganz dr’effizientischt Wege igschlage…
So isch itz ds’Grundkonstrukt vom Gsteu zwar bereits am neue Standort, aber vo ufbout z’rede wär de dich chli drigjuflet 🙂
-
I ha grad mis erste Video bearbeitet und aschliessend bi YouTube ufeglade.
Das Ganze cha me hie „bestuune“.
-
Dr’Mano u i si ir Werkstatt gsi u hei a sim Golf 1 GTI bastlet. Ergebnis vom Abe isch es entrostends Teili und e abzogni Rückelehne vom Bifahrer-Sitz.
-
Hüt si ds’Reby u dr’Lüku z’Bsuech cho zum Znachte u aschliessend chli spiele u dorfe.
Und natürlech o zum d’Bohne cho bestuune.
-
I ha erfougrich mis neue Spiuzüg usprobiert. Quadrokopter flüge isch extrem easy zum Starte, aber ds’Umdenke mit de Richtige während em Flug muessi no üebe 🙂
Eh voila – wie versproche hie es Video. I ha leider es angers müesse nä, da mis eigetleche Video sech irgendwie nid het wöue la umwandle… Man beachte bitte o, dassi nid immer so flüge. I ha unabsichtlech e Schauter ar Fernbedienig umgsteut und so d’Lenkig veränderet; zuesätzlech isch dr’Akku o no grad dunger gsi…
-
Hüt hets sone Monster-Schiss ir Windle gha, dassi nid bi drumum cho d’Waag z’hole =) Ergebnis bereinigt nach Leergwicht vore Windle si 90 Gramm Inhaut – das si ~3% vor Bohne!