-
Mi neu Arbeitsplatz isch endlech itroffe (e 27″ iMac). Es isch fang Zyt worde, het doch dr’Alt afa umezicke und langsam werde.
-
Wow, d’erschte WM-Spiu vor Schwyzer Nati isch sehr attraktiv zum zuluege gsi o wesis gäge Schluss no fasch verchauberet hätte…
-
I ha uf Genf anes Meeting mitdörfe wo fasch usschliesslech isch Franz gredt worde. Zu mire Freud hani doch fasch aues verstande.
-
Es het wieder mau es paar Alpacas gä wo hei wöue gschore werde. D’Wulle vo dene Tier isch echt agnehm u vorauem cha me se o guet witerverarbeite zu Chleider oder Duvet.
-
14 Tag nach mim Geburi hanis itz doch no gschafft u fahre ab itz mit mim Geburi desume. Itz darfi eifach nid usem Kanton usezügle…
-
Nachere längere Zyt hei mirs wieder mau gschafft e Spiu-Abe düre z’füehre. Siedler vo Catan isch eifach scho spannender weme z’Vierte isch – u bim druffougende Cluedo hei mir grossteils verseit, was ufene eigeti Art ungerhautsam isch gsi 😉
-
Itz isch besieglet. Dr’Mano wird dr neu Halter vo „BE 22892“ werde. Mi freuts dasses ihn freut mit so toifer Nummere z’fahre.
-
E Aktion bi M-Electronics het mi haubwegs spontan derzue verleitet mir e GoPro Hero3 (Black Edition) z’gänggele. Das Ding isch echt geil u i freue mi scho druf, wenni mau wieder im EuropaPark bi oder ähnlechs 🙂
Es Review wird fouge sobaud ig die erschte bruchbare Test-Videos gmacht ha 🙂
-
Bim Iruume und Sortiere vo üsere gmeinsame Buechhautig isch mir mi erscht Lohnuswis id’Häng cho.
-
So, nach diverse Arbeitsschritte isch dr’Chinderwage fertig ufpimped. I finge die neue 2-farbige Felge gäbe guet öppis her u si stimmig. Die chlini Bohne wird sech sicher freue 🙂