-
Obwou ig älter wirde, bini ab und zue unvernünftig wie eh und je – So o hüt, womer um Mitternacht no z’5te höch bim Ronald McD si ga verbi luege 🙂
-
Nach nid mau ere Wuche, hani doch scho di erschti Poscht ufe nöi Name übercho 🙂
-
Dr’SCB het sis erschte Play-Off Finau-Spiu daheime chönne usträge und het ds’Break us Fribourg chönne bestätige. Mir i de Räng hei e spannende und usglichene Match dörfe verfouge wo o gnue Szene zum Häng-verwärfe het bote…
-
Mir si vom Reby und vom Lüku zu feine Tisch-Pizzas iglade worde u hei üs sehr guet ungerhaute. Viele Dank für sone pflege Abe.
-
Mir si wieder mau bim Froue-Arzt gsi u diesmau het dr’Doktor mir ds’Ultraschall id’Hang drückt. I söu doch fang afah, er müess no schnäu Öppis ga hole 🙂
-
Dr’SCB het ds’erschte Final-Spiu miteme schöne 4:1 für sich entschiede und somit bereits im Spiu Eis ds’Break gschafft. So gfaut das sehr 🙂
-
Es het einiges länger duuret aus sie im Lade hei gseit, aber itz isches sowit – mir hei üse Chinderwage chönne abhole.
-
Ja, jetz bini d Frou Wäger 🙂 u jetz heissts mau aui Uswise und Dokument z ändere. Das wierd mer e schöni Sach gäh, bis das aus usgwächslet isch, aber egau, i wott ja nid jammere, d Fröid isch viu grösser.
-
Itz isches sowit, d’Manu u ig hei üs ds’Ja-Wort gä u si per sofort Maa u Frou. I freue mi scho wenni z’erschte Mau cha säge „mi Frou …“ 🙂
-
U scho wieder simer ir Praxis vom Frouearzt gsi. Diesmau hei mir aber dr’Geburtsvorbereitigskurs gha.