-
Mir si ume eis mit dr’Bohne ir Ungersuechig gsi u hei d’Herztön dörfe losse. Kommentar vom Arzt „Tönt sehr chräftig; sie wird nech de gä!“ 🙂
-
Endlech wieder mau hei dr’John u i chönne irichte zäme es paar Bierli zwitschere. Das müesse mer ume öfters mache 🙂
-
So, üse Ehe-Vorkurs isch erfougrich absolviert. Mir dörfe hürate und hei o grad chönne ds’Datum usmache.
-
Dr’Früehlig geit los, hani hüt bereits dr’erscht Schmetterling gseh. Hoffe mir doch, dasses witer warmet.
-
Die chlini Bohne wachst u wachst u so isches für üs a dr’Zyt d’Zimmer umzsteue. Hüt hei mer itz ds’Büro gleert. Itz müesse mir „numeno“ d’Möbu umsteue u wieder iruume.
-
D’PlayOffs hei gstartet u mir si hutnah derbi gsi. E schöne Match wo viu Zwiefle wägem SCB-Kader laht la verstumme.
-
Ab itz faht die bärtigschti Zyt vor Hockey-Saison a! Hopp Mutze!
Itz wärs no vo Vorteil we ds’Gsichtshaar o würd mitmache… 🙂
-
Da mis Mami morn Geburi het, aber o grad id’Ferie flügt, si mir hüt zäme ga esse. Aus Guete zum Geburtstag.
-
Und scho ume hei mit grillet die Saison. Diesmau bim zwoite Feschtli zu Manos Geburtstag.
-
Wow, d’AMAG het mi positiv überrascht hüt – dr’Service isch gratis u mit de Felge wei sie no luege.
I ha dr’Audi am Morge zur AMAG bracht füre Service. Bimne Kaffee het mi dr’Service-Mitarbeiter gfragt ob grad Öppis aliege mitem Fahrzüg. Mir si da de scho einigi Frage i Sinn cho (zB wägem Biifahrer-Airbag und dr’Baby-Schale, dr’überifrige Wöschdüse für d’Xenon-Liecht) und i ha ihm vo mine neu ersteigerete Felge verzeut (dene hie).