-
Mir si wieder mau bim Doktor gsi u hei diesmau chönne dr’Herzschlag lose.
[audio:http://outtakes.ch/wp-uploads/Herzschlag.mp3 |titles=Chlini Bohne Herzschlag |initialvolume=100]
-
Aus Dankeschön für die verliehene SCB-Abos es herzigs Present übercho. A Setigem hani natürlech wieder huere Freud =)
-
Mir si in Ginggu (Gerlafinge) vo Joelle u Mano iglade worde. Es isch e coole Sunnti gsi mit euch. Viele Dank!
-
I ha die chlini Bohne/Aschi zum erschte Mau gspürt! Für mi isch das e schampar schöne Moment.
-
Mir hei Moors zum z’Nacht iglade; u i ha gchochet (ha ds’Muu im Vorfäud mau wieder chli vou gno =)). Es säge aber aui, es heig ne gmundet – nomau guet gange 🙂
-
Imne Aflug vo Früehligsputzete hani au üser Papier- u Plastigsäck zämegsuecht und rigoros ussortiert. Die wo no guet si gibeni de witer ufene Hof oder a ds’Drachenescht, oder so.
-
Zum Geburi hani dr’Manu es paar Silber-Ohrringe gschenkt. Sie gfaue ihre sehr u so het sie se du o grad treit. Das freut mi natürlech umso meh, wenni mim Meitschi cha e Freud mache.
-
Lang hei mir nume dervo gredt, u hüt isches tatsächlech z’Stang cho. Mir hei üs „Lord of the Rings – Fellowship of the Ring“ inezoge. Für einigi isches sogar ds’erschte Mau gsi!
-
Happy Birthday, Conny! Du hesch es flotts Fescht organisiert u üs hets gfreut dörfe verbi z’cho.
-
Mir hei üs finalement für ne Chinderwage chönne entscheide u hei diese de o grad bsteut. I merke wie’s langsam ernst wird 🙂