-
So geil! I bi hüt früehzytig mis grüene L losworde… Wie sech het usegsteut hani Arecht ufe Uswies nach autem Schema wüu i bereits 2002 mau ha e Lehrfahruswies beatreit =)
-
Dir sit so irri Schaf! Zu mire grosse Überraschig u Freud si hüt es haubs Dotze Fründe vor dr’Tür gstange u hei drufabe mit üs dr’Match gluegt.
-
Ds’Reby u dr’Lüku si bi üs verbi cho zum Brunch und aschliessend e Namitag lang z’spiele. Einisch meh het sech üse Spontan-Chouf vor SwissToy (ds’Spiu „Las Vegas“) aus Glückgriff erwiese 🙂
-
Mir hei nomau guet Züg usegruumt, furtgschosse u e chline Teil id’Brocki bracht. Ir Brocki het d’Manu de grad e günstige u schöne Römertopf gfunge.
-
Wüu dr’Schrank vom Ricardolino-Chinderzimmer nid i Audi passt het, het dr’Abieter ne churzerhand bi sich iglade u isch üs vo Bern uf Heimberg nachegfahre. Das isch huere flott, da bini echt baff!
Itz müesse mir mau e grossi Umrumete mache u de gits de o es Fotos oder 2 vom neu igrichtete Zimmer 🙂
-
Dr’SCB-Goalie Marco Bührer isch dr’neu Rekordhauter vo „Minute ohni Gägetreffer“. Er het dr bisherig Rekord um 21 Minute uf 269 Minute u 09 Sekunde überbote! Herzlechi Gratulation a Marco u die ganzi Mannschaft!
-
Aschi, üsi chlini Bohne, wird mit Götti Mike eine vo de coolschte Götti übercho wos je hets gits! Mir hei extrem Freud wie Mike sofort miteme Strahle het zuegseit.
-
I ha im Internet (Ricardolino.ch) es super Agebot gfunde; es haubs Chinderzimmer (Bett, Schrank u Wickutisch) zumne Priis wo mä angerswo füre Transport würd zahle.
-
Wenn Nüt derzwüsche chunnt, de wirdeni Mitti Februar gschäftlech uf Schwede flüge zum bimne wichtige Chunde-Meeting derbi z’si. I bi scho itz ufgregt 🙂
-
Nach über 2 Jahr hani itz endlech es Badzimmer-Möbeli zuecheta; und i finges super. Wieso hani mi äch solang dergäge gwehrt?