-
I bi dis Jahr zersch mau uf de Schlööf gsi u es isch besser gange aus erwartet. Am Schluss hei Mano, Mike u ig de sogar no ghockeylet im abgsperrte Dritte.
-
I gibe dr’Manu Fahr-Ungerricht u bi sehr stouz uf mini Schüelerin =)
Mir hei üs zersch ufem Coop Parkplatz chli „ustobt“ u si när uf Steffisburg zur Landi gfahre (u wieder zrügg). Das Ganze hei mir gmacht, wüu d’Manu no nie e Automat het gfahre u dr’Audi doch o einiges breiter u länger isch aus dr’Micra.
-
Am Wiehnachts-Fescht uf Manus Site isch es mir glunge d’Manu mit mim Gschenk z’überrasche. Ds’Gschenk isch sit 3 Wuche organisiert gsi u sie het nüt, aber de gar nüt, gschmöckt =)
-
Wie jedes Jahr hei mir o im 2012 wieder dörfe zum Thesi ga wiehnächtele. Das tünkt mi geng bsungers schön wüus mit viu Erinnerige u Emotione verbunde isch.
-
Mis Mami u dr’Brösi hei iglade zum Wiehnachtsfescht z’Schenkon. Mir hei einisch meh sehr guet gässe u de drufabe no d’Wichteli-Gschenk verteilt.
U de hets sogar no grad es witers Novum gä: mitem neue Audi hei mir chönne Sterrys abhole u chauffiere. I gloube doch, dass das ihne o gfaue het – u me hockt ja gräumig uf dr’Rückbank 🙂
-
Mir lebe no! Die ganzi Sach mitem Wäutungergang isch, vöööllig unerwartet, doch nid so schlimm wie befürchtet.
-
Fyrabe, Ferie, nie meh schaffe i däm Jahr =)
-
Mitere Tschuppele vo 8 Persone si mir „The Hobbit: An Unexpected Journey“ ga luege. Vorher hei mir, einisch meh, es 201 zu üs gno 🙂
Mir hei vorauem d’Zwerge im Fium sehr gflashed. Aus jahrelange Zwerg-Spieler in WoW bini vo dere Fantasy-Rasse eifach ata. I gseh o durchus Ähnlechkeite zwüsche mim Bronkje und Gloin. Zwerge rocke aues!
-
Eis Telefon bir Verwautig u scho het sech ds’Problem vom chliner werdende Parkfäud glöst =) So si mir ono grad üse Parknachbar los wo es eigets Verständnis het vo suber parke…
-
I ha mis neue Outo chönne ga abhole; u plötzlech erschynt mir üse Isteuhaue-Parkplatz grad viu chliner aus vorher =)
Hie no dr Nissan Micra wo mi vo mine erste Fahrstunde bis itz begleitet het u o geng treu het dient (immerhin doch knapp 60’000 Km i nid ganz 3 Jahr).