-
Mir si bim Mami u Brösi (Grosi u Grösi :)) ga z’nachte u hei e schöne Abe dörfe zäme verbringe mit guete Gespräch.
-
Und es witers Mau isch ä „Bewis“ gfunge worde dass d’Wäut diese Dezember wird ungerga. I ha sehr glachet =)
-
Dieser Tag het Aschi d’10 cm-Hürde gno u schynbar ghört er mi itz mittlerwiele o. Drum hani itz agfange mit Manus Buuch z’rede. Aschi fragt sech öppe o es bitzeli =)
-
Die versprochene Photos vo Gabis Geburi si itz endlech ufem Blog.
D’Photos chame im Post vom 16. ga aluege. Aus Vorgschmack fang ds’Photo vom Geburi-Ching ir Tracht:
-
Dank Aschi (auso dr’Schwangerschaft) het d’Manu ganz fiini, fluumigi Gotlette übercho =) Fluumig wiene Pfirsich… Wo sie se zeigt het, het sie se aus „jungi Haar“ beschrybe. Mi hets fasch gchlepft vor Lache!
-
Itz uf die chaute Täge häre hani mir es neus paar Schueh gchouft wo inne gfüetteret si, aber glich nid so chlobig würke. I ha se de o grad amne SCB-Match chönne uf d’Wärme-Prob steue – Bestande 🙂
-
Es schneit – u de no wie. Mir hei e wisse Garte (das passiert schüsch aube nid so schnäu) u o uf dr’Outobahn hets agsetzt – trotz Kolonne-Verchehr.
-
Ds’Gabi u Mike Moor hei üs iglade zumene Tatarehuet ga esse. E super Idee u eigetlech e Schand hani das bisher gar nid kennt…
-
So gseht e glungne Hockey-Abe us: es 201 (Bakmi Goreng Ayam) ir Markthaue u aschliessend e attraktive Match ir Aumend. Ds’201 isch füre Lüku übrigens e Premiere gsi!
-
Es isch schön u o lustig we dr’Aschi bereits us üsem Umfäud so gnennt wird; o wenns nume e Übergangsname isch.