-
Was für e wunderbar heisse Tag! I bi zur Abchüelig i Sandras Pool ghocket während sie e riese Freud het gha em Päpu Wasser a z’sprütze.
-
D’Sandra macht im Moment grad churz Ferie bim Grosi und so hei d’Manu und ig i dene hektische Zyte es paar Momente für üs zum quatsche und üs ustusche. Das tuet äbe scho guet.
-
Bi so guetem Wetter hei mir dr’Sandra ihre Pool im Garte ufgsteut und es paar Centimeter Wasser dri ta. Sie het nid würklech wöue dri ga bade, isch aber nid müed worde mitem Wasser z’chosle.
-
E sone schöne Tag muess me doch entsprechend nutze. U so sy mir doch grad i die früsch göffneti Badi ghüeneret 🙂
-
E Kolleg het dr’ganz Samschti zu sim Pouterabe (ehm, Poutertag) iglade. Mir hei e ungerhautsame und liecht alkoholisierte Tag dürlebt und ihn so us sim Junggseue-Dasi erlöst 🙂
-
Mir hei bereits üsi Badi-Abi füre kommend Summer. Und wüu mir scho im Vorverchouf zuegschlage hei, het’s sogar no Rabatt gä…
-
Swiss Toy! Angers aus i vergangene Jahre het mi dr’Video Game Bereich öppe gar nüm interessiert, derfür hani mit Lüku es üs unbekannts Spiu chönne usprobiere, e Hampfele Impuls-Ichouf abwehre (uff, Glück gha :)) und es paar Würfle imne Warhammer Miniature-Match werfe.
-
O dieses Jahr sy mir wieder am Öpfufescht gsy in Wichtrach. Angers aus i de vergangene Jahr hei mir diesmau o richtig guet Wätter gha zu den feine Öpfu-Chüechli u zum Most.
-
D’Sandra het es neus Spieli glernt vo üs und het cheibe Freud we mir e Rundi spiele am Tisch.
-
Wow, mir hei üs z’sechste höch troffe und e ca 4-stündigs Kampf um Westeros und dr’Iserner Thron gha.