Mir si hüt zäme ad’BEA gange u hei dert chli gschnoiget. Ds’Wetter isch sosolala gsi – gnue guet zum dusse si, aber schlecht gnue so dasses nid völlig überfüuht isch gsi.
Sones längs Wuchenend isch eifach scho toll – das sött me öfters ifüehre :)
Es het wieder mau es paar Alpacas gä wo hei wöue gschore werde. D’Wulle vo dene Tier isch echt agnehm u vorauem cha me se o guet witerverarbeite zu Chleider oder Duvet.
E Aktion bi M-Electronics het mi haubwegs spontan derzue verleitet mir e GoPro Hero3 (Black Edition) z’gänggele. Das Ding isch echt geil u i freue mi scho druf, wenni mau wieder im EuropaPark bi oder ähnlechs :)
Es Review wird fouge sobaud ig die erschte bruchbare Test-Videos gmacht ha 🙂