-
I bi mitem John es Fyrabe-Bierli ga schnappe und ha ungerwegs no mi ehemalig Usbiudner us Lehrzyte troffe.
-
D’Freunde alter Landmaschinen (Sektion Bern) hei ihres 20-jährige Bestehe gfyret und es grosses Fescht verastautet. Mir sy da o ga luege und hei chönne stuune abeme Traktor vo 1929. De Cheib het öppe 20 Minute bruucht zum starte 🙂
-
Das neue Charte-Spiu (Android Netrunner), woni vorletscht Wuche gchouft ha, isch echt dr’Hit. D’Manu gwinnt meistens aus Hacker und ig aus MegaCorp gseh rächt aut us 🙁
Aber es zeigt sech, dass da würklech viu Inhaut füre Priis ir Box isch. D’Manu spiut bis itz nume 1 vo 3 mügleche Hacker und i bi o geng die gliich MegaCorp (vo 4 wo zur Uswau stöh).
-
I ha chli früecher Fyrabe gmacht zum ds’schöne Wetter no chli ir Badi chönne z’gniesse. U ha de o no grad mini Cousine troffe woni doch scho syt mehrere Jahr nüm ha gseh.
-
Mir hei das schöne Wetter gnutzt und sy uf Spiez chli ga spaziere (bis uf Fulesee übere und retour). So chli dusse sy im Grüene mit Natur, See u früscher Luft het echt guet ta.
-
I ha dr’Rubiks Cube ir Variante 7x7x7 chönne löse. Het zwar e Namitag dran umedreie erforderet, ber glöst isch glöst 🙂
Gemäss em Hersteller gits 19’500’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000’000 (bzw 1.95 * 10^160) verschiedeni Positione wie dr’Würfu cha sy. Und glich dreit sech ds’ganze Spiu (Rätsu?) um die Einti 🙂
-
Ds’Jahr isch zwar scho fasch e Wuche alt, was dr’John u mi aber nid ghinderet het uf es guets neus Jahr azstosse bimne Fyrabe-Bier.
-
I ha mi Rekord bim 5x5x5 Rubiks Cube uf unger 10 Minute chönne verbessere. E rechti Steigerig wo ig itz wieder chli z’bisse ha dranne.
-
I ha zum erschte mau Öppis gschweisst. Zwar nume es paar Üebigs-Bitze, aber irgendwo muess i ja afah.
-
I bi trotz em Ziebele-Märit uf Bern um mit John und Mike es Fyrabe-Bier z’zische. I bi vo Konfetti befreit bliebe was mi grad gar nid truurig macht 🙂