Ds’Gabi u Mike Moor hei üs iglade zumene Tatarehuet ga esse. E super Idee u eigetlech e Schand hani das bisher gar nid kennt…
So gseht e glungne Hockey-Abe us: es 201 (Bakmi Goreng Ayam) ir Markthaue u aschliessend e attraktive Match ir Aumend. Ds’201 isch füre Lüku übrigens e Premiere gsi!
Es isch schön u o lustig we dr’Aschi bereits us üsem Umfäud so gnennt wird; o wenns nume e Übergangsname isch.
Nach langer Abstinenz bini endlich wieder i Gnuss vo Hockey cho. Leider mit gmischte Resultet… Wenn o dr’klarer Sieg a üs isch :)
Da gö Grosseutere-Freude richtig los. Ds’Mami chunnt usem Schwärme nid use u dr’Brösi freut sech o scho uf si neue Name „Grösi“ :)
Es git e neui Kategorie „Aschi“ woni o rückwirkend no erfasst ha wieni die Zyt erlebt ha.
Mir hei üs hüt geeiniget ufe Name wo üse Nachwuchs treit solang mir no nid wüsse wases git. Mir nennes Aschi.
Hüt bini richtig guet us de Fädere cho und so trotz viu Verchehr churz nach de haube 8i ir Bude gsi.
Nachere Wuche mit viu Gheimnis und emne usbuechete Wuchenend hani itz o dr’Blog chönne aktualisiere.
Mir überchöme Nachwuchs! Und sit diesem Wuchenend isches offiziell u endlech kes Gheimnis meh wome muess luege was me seit.
