You are here: Home / 2017 / November

Archives by date

You are browsing the site archives by date.

Fein ga Ässe mit Gabi u Mike

Published on by

Mir vier hei dieses Jahr scho mehrfach versuecht gmeinsam e Abe z’finge zum zäme fein ga z’ässe. Leider hei üser Termine nid wöue zämepasse, oder es isch sehr churzfristig öppis derzwüsche cho.

Aber itz (ändlech) het’s klappet – mir si bi Gabis Tante u ihrem Maa im Waldrandbeizli in Aeschle ga ässe. Dert isst mä nid nume sehr guet, sondern het när mit Sicherheit o ke Hunger meh – i ha no säute sone grossi Bitz Fleisch für mi uf mim Täuer gha 😲.

Mir hei dr’Abe sehe gnosse u si froh het’s dieses Jahr no klappet.

Der erscht Schnee

Published on by

Di Nacht hets rächt möge Schneie. Es isch zwar o scho wider ä Teu dervo gschmouze… u bis de aui ihri Winterchleidig hei zäme gha, isch du de o scho 11i gsy. I cha mit Schnee nid so vieu afaa, aber d Meitschi heis i vöue Züg gnosse.

Verein Thuner Spiutreff Phönix

Published on by

Leider hört ds Team vom Thuner Spiulade Phönix afangs nächscht Jahr uf. Da mir aber ä igschworni Gmeinschaft si, organisiere mir üs itz aus Verein u verastaute d’Spiuäbete unger däm Banner.

Im Moment muess aues no chli Forme anä (Statute, Website, Ämtli); aber sobauds klarer isch wär-wie-was-wo chani o besser informiere für auie wo sech derfür interessiere.

Advent, advent…

Published on by

Mir hei hüt Bsuech vo Marianne und Brösi gha. Sy hei üs e wunderschöne Advents-Chranz verbibracht. Di si jedes Jahr toll die Chränz 🙂 u mir freue üs natürlech ufe 1. Advent um de s erschte Cherzli chönne adszünde.

BBQ Endi November

Published on by

Mir sy scho chli irri Schaf. Mi Nachbar Köbu und ig hei üs bereit erklärt amne witere Nachbar bim Zügle z’höufe und d’Mannschaft z’verpflege.

Zu däm Zweck hei mir churz nach Mitternacht agfange 5 Kilo Fleisch zu Pulled Pork, und witeri 2.5 Kilo zu Pulled Beef z’grille.

7kg Fleisch ufem Grill

Häppy Laura-Day

Published on by

Üsi Laura het jetz o zwöi Cherzli ufem Chueche dörfe usblase 🙂

Sy het es tolls Fescht dörfe fiire. Es hei vieu Lüt a si dänkt und si het ihre Plousch gha.