Mit dene Chräueli chame vieli tolli Sache bastle, wie zum Bispiu Deko-Züg für a d’Wand ;)
Geng wie geng… We me dr’läng Bauke chönnt bruuche chunnt er nie!
Wüu mir die letschte Tage durchus chli vo de Emotione vor Hochzyt sy verinahmt worde, het dr’Blog chli glitte drunger. Das isch itz behobe, zrügg blättere lohnt sech :)
Auternativ gits o e Uflistig mit aune Hochzyts-relevante Blog-Iträg (Klick uf ds’Tag Hochzyt).
Ds’Hochzyt isch chum düre, scho hei mir die erschti Charte im Briefchaschte gfunge :)
Es handlet sech umne Charte us Götti Willi und Barbaras Hochzyts-Gschenk (hie steit chli meh drüber).
Dank dem dass d’Manu sech es Glettise gchouft het, hani e auti Idee chönne ufgryfe und ha mit Chräueli chönne geekigs Züg bastle ;)
Nachdem mir daheime chli sy häregläge, hei mir üs a ds’Uspacke vo dene viele tolle Gschenk und Glückwunsch-Charte gmacht. Viele Dank euch aune!
Unger au dene Gschenk het’s zwo Kreatione vo bsungers Bastuwüetige:
Ds’Wetter het am Morge leider nid so mitgmacht drum het sech die schöni Ussicht hingerem Näbu chönne verstecke. Es isch trotzdem schön u speziell gsi ufem Güsche z’übernachte.
Mir bedanke üs härzlech bi au dene wo sech d’Müeh gmacht hei Öppis uf d’Bei z’steue oder vor z’trage.
Üse härzlech Dank geit a:
- ds’Gabi für z’organisiere, Asprechsperson sy vor dr’Hochzyt und Tätschmeistere während
- ihre Maa, em Mike, für sis Engagement aus Zeremonie-Meischter
- Beatrice, Joëlle, Mano, Mänu und Simon für die steti musikalische Ungermalig vo dem einmalige Tag
- Willi und Barbara für ihri Idee, dass mir es Jahr lang jedi Wuche e Charte (vo üsne Gäscht) überchöme, wo üs a de Tag söu erinnere
- Beatrice und Geru füre Helikopter-Flug über d’Stadt Bern
- Reby und Lüku wo üs hei zwunge ( :)) vor Publikum z’singe
- Götti Peter für d’Ehe-Cherze und dr drhinger steckende Symbolik
- Marianne und Brösi für ds’Video mit Photos vo üsne Chindertage bis id Gägewart
- aune Gäscht wo im Vorfäud e Site gstautet hei für üses einmalige Hochzyts-Buech
Wer am Fescht ke Glägeheit het gha e Blick i das Buech z’werfe isch härzlech iglade üs z’bsueche und e chli Kafi und Chueche z’gniesse (dir dörft natürlech o cho wenn dir ds’Buech scho kennet :))
Es isch ungloublech – mir si miteme Helikopter-Flug über d’Stadt Bern überrascht worde. Bsungers d’Neigig im Heli isch dr’Wahnsinn bim Kurve flüge (oder o scho grad bim Start).
