Pädu Wäger: Page 76

I bi dr’Audi (A4 Avant Quattro 3.2 FSI) ga aluege u ha ne nach dr’Probefahrt o gchouft. Viele Dank a Mischu wo mi aus Expert het berate.

Published on 14. Dezember 2012 by Pädu Wäger

Dr’Mischu het dr’Bolide bir Testfahrt nid gschonet u i bi häu uf begeisteret was da a Chraft vorhande isch =) Ke Verglich zum Micra…

D’Manu het afa Gutzele u ig ha nach Möglechkeite derbi ghoufe (vorauem bi de Vanillekipferl).

Published on 13. Dezember 2012 by Pädu Wäger

Mir hei „Forrest Gump“ gluegt – dr für mi mit Abstand emotionaust u schönst Fium wo je isch dreiht worde.

Published on 12. Dezember 2012 by Pädu Wäger

D’Figur vom trottelige, aber so sympathische Forrest mit sire ewige, wenn o unerwiderete Liebi zerrisst mi aube fasch…
U so fliesse meh aus nume es paar Träne.

D’Manu u ig hei spontan e Bsuech bi Monika und Ueli gmacht. Sie hei sech gfreut üs z’gseh u so hei mer e gmüetleche Abe zäme verbracht u chli über dieses u eis plouderet.

Published on 10. Dezember 2012 by Pädu Wäger

Mir si in Thun gsi u hei bereits viu vo de Gschenk zum Wichtele chönne bsorge.

Published on 8. Dezember 2012 by Pädu Wäger

Ds’Abo vo PlayStation Plus het sech scho glohnt. Itz biete sie ds’Game „Batman: Arkham City“ gratis a. U jede Monet ändere si d’Sortiment damit i no meh z’zocke ha =)

Published on 7. Dezember 2012 by Pädu Wäger

Mir si bim Mami u Brösi (Grosi u Grösi :)) ga z’nachte u hei e schöne Abe dörfe zäme verbringe mit guete Gespräch.

Published on 6. Dezember 2012 by Pädu Wäger

Und es witers Mau isch ä „Bewis“ gfunge worde dass d’Wäut diese Dezember wird ungerga. I ha sehr glachet =)

Published on 5. Dezember 2012 by Pädu Wäger

Ds’Biud isch nid vo mir – das hani schamlos kopiert…

Dieser Tag het Aschi d’10 cm-Hürde gno u schynbar ghört er mi itz mittlerwiele o. Drum hani itz agfange mit Manus Buuch z’rede. Aschi fragt sech öppe o es bitzeli =)

Published on 4. Dezember 2012 by Pädu Wäger

Die versprochene Photos vo Gabis Geburi si itz endlech ufem Blog.

Published on 3. Dezember 2012 by Pädu Wäger

D’Photos chame im Post vom 16. ga aluege. Aus Vorgschmack fang ds’Photo vom Geburi-Ching ir Tracht:

Familie Wäger

und was üs so passiert im Läbe…

Author: Pädu Wäger