Author: Pädu Wäger
Nachere Wuche mit viu Gheimnis und emne usbuechete Wuchenend hani itz o dr’Blog chönne aktualisiere.
Mir überchöme Nachwuchs! Und sit diesem Wuchenend isches offiziell u endlech kes Gheimnis meh wome muess luege was me seit.
D’Überraschigs-Party für ds’Gabi isch sehr guet glunge. Sie het sehr verduzt usgseh wo sie isch i Ruum cho u aui Gäst i traditioneller Chleidig uf se hei gwartet.
Update:
Faus öpper sis Foto möcht entfernt ha, gäbet eifach churz Bscheid. De nimmenis wieder drab.
Mi zwoit Bsuech bim Frouearzt. Es isch ungloublech was meh scho aues erkennt!
Mir hei für Gabi Moors 30. Geburi es Chinder-Büechli mit integriertem Gschenk-Guetschin bastlet.
Da sowou d’Manu aus o ig nid so Fan si bluti Guetschine z’verschenke hei mir üs entschiede es chlises Gschichtli z’erfinde wo vom Gabi u ihrem Hobby handlet und so o grad dr’Zweck vom Guetschin erklärt.
Mir si gspannt uf ds’erschte Fotobuech wo entsteit.
Mir si bi Sterrys zumne Kafi ga verbiluege. Dr’Ste geits wieder sichtbar besser, da bini sehr froh drüber.
Nachdems mir isch glunge e Typo3-Patch z’ersteue hani üser Chunde-Installatione dütlech effizienter uf die aktuellsti Version chönne update.
Hüt isch e Wunderbare Sunnti gsi. Mir si zum Brunche iglade worde bi Moors. Drufabe hei mir zäme bi Kafi u Bier ihres neue Brettspiu usprobiert (Jäger der Nacht) – es sehr es glungnigs Spiu mit viu Nervechitzu. Nachdem mir no zäme si ga loufe heimer dr gmeinsam Tag miteme feine Raclette abgschlosse.
Und erneut hets e Platin-Trophäe gä bi mir. Diesmau isches „LEGO – Pirates of the Caribbean“.
