Brot und Spiele ;)

Eis vo de chürzlech ertuuschte Spiu hei mir scho, drum ha ig’s direkt ane Kolleg, wo relativ neu im Hobby isch, la schicke. Er hets mau amne Spiu-Abe bi üs gspiut und es het ihm sehr gfaue, und itz isch er miteme eigete Exemplar überrascht worde :)

Published on 8. Februar 2017 by Pädu Wäger

Es handlet sech bi däm Spiu um Evolution, es Charte-Spiu wo mä mit verschiedene Eigeschafts-Charte (zB Klettern, Fleischfresser, Hörner etc) Dinosaurier erfingt und die när i Überlebenskampf mit de Dinos vo de angere Spieler lat la trete.

Lang het’s duuret bis mir wieder mau e Spiu-Abe hei zstang bracht – derfür het’s umso meh gfägt nach so langer Zyt. Und dr’Kolleg het de o grad sini früschi Fründin mitbracht und se mit dr Brettspiu-Begeisterig agsteckt.

Published on 30. September 2016 by Pädu Wäger

Nachdem i vor wenige Tage spontan ha Luscht uf Fondue übercho, hei mir diese Samschti Schertis zum Fondue iglade. We scho die ganz Hütte nach Chäs schmöckt, de chöi o grad 4 um ds’Caquelon hocke.

Published on 23. Januar 2016 by Pädu Wäger

I ha mir hüt a üsem „Brot und Spiele ;)“ Abe es Spiu gwünscht woni vor 8 Monet mau ha übercho aber no nie gspiut: „El Grande“ (Spiel des Jahres 1996). Mir sy auso ohni Vorkenntnis i die Rundi und hei es packends und lustigs Spiu dörfe erlebe wo trotz em Auter vo 20 Jahr no immer verma z’packe u begeistere.

Published on 10. August 2015 by Pädu Wäger

Mir hei füre 1. Ougschte üsi Brot und Spiele Gruppe und no e witere Gascht iglade zum gmeinsam Grille u drufabe chli Fürwärchle. Letzteres isch wegem Wetter recht id’Hose, was mir derfür mitere Ladig Party-Spiu kompensiert hei :)

Published on 1. August 2015 by Pädu Wäger

Am hütige Brot und Spiele Abe het sech e Gascht derzue gsellt, wo sech o bi beidne Spiu wacker gschlage het. Es macht haut äbe scho Freud we mä ds’Hobby so cha witergä und Angerne necher bringe.

Published on 27. Juli 2015 by Pädu Wäger

Nach fasch 3 Monet Pouse hani wieder mau es „A Game of Thrones“ Brettspiu gwünscht zum Spiele. Wie scho bim letschte Mau het’s mi sehr möge fessle, und bsungers we e sech grössere Kampf abzeichnet (oder mä vomne Gägner überrascht wird) stigt dr’Puls grad nomau meh :)

Published on 29. Juni 2015 by Pädu Wäger

Diesmau hei mir e extra 4-Spieler Variante gspiut wo vorauem d’Siegbedingige chehrt und d’Spiuzyt sött verchürze (was üs überhoupt nid glunge isch).
Im Basisspiu spiut mä bis öpper 7 Festige oder Burge unger sire Kontrolle het (oder maximau 10 Runde); hie het jede Spieler verschiedeni Ziel wo Pünkt gäbe we mä se cha erfülle (sie gäbe o nid für jede Spieler glichviu Punkt, da d’Fraktione ja i ungerschiedleche Regione vor Charte starte).

Dr’gross Vorteil vo dere Variante isch vorauem, dass erfüllti Ziu Siegpunkt gäbe wo nüm chöi verlore ga (angers aus Burge wo vo angere Spieler wieder chöi zrügg eroberet wärde).

Chum vom Camping zrügg, hei mir de o no grad e Brot und Spiele ;)-Abe gha. Diesmau sy vorauem Team-basierti Spiu gspiut worde (2-vs-2), wobi bim einte Spiu d’Teams ersch im Verlouf vom Spiu sy bekannt worde.

Published on 15. Juni 2015 by Pädu Wäger

Mir hei üs wieder mit üsere Spiu-Gruppe troffe und 3 verschiedeni Spiu chönne spiele, eis Spiu sogar 4 mau. I ha grad e recht guete Abe verwütscht u 2 mau dr’erscht Platz erreicht :)

Published on 24. Mai 2015 by Pädu Wäger

Wenn ig aber so uf d’Statistike luege, de füehrt i üsere Gruppe ke Weg ar Manu verbi. Aus i auem bringt sie die konstantischte u beschte Resultat.

Und i bi froh e Gegespielere z’ha wo mi immer wieder forderet und d’Messlatte vorgit.

I ha mi mit Reby u Lüku troffe zum gmeinsam es bitzeli z’Spiele, u Lüku het si chürzlech agfangni Louf uf 7 Siege am Stück chönne usboue.

Published on 18. Mai 2015 by Pädu Wäger

Familie Wäger

und was üs so passiert im Läbe…

Tag Archives: Brot und Spiele ;)