Dr’Mano het Geburtstag gfiiret u da hei mir üs das nid chönne nä u si ihn u d’Joelle uf Gingu ga bsueche zum Proste.
Zum Geburi hani dr’Manu es paar Silber-Ohrringe gschenkt. Sie gfaue ihre sehr u so het sie se du o grad treit. Das freut mi natürlech umso meh, wenni mim Meitschi cha e Freud mache.
Happy Birthday, Conny! Du hesch es flotts Fescht organisiert u üs hets gfreut dörfe verbi z’cho.
D’Sara Alexandra Eggima isch hüt 3-jährig worde. Da hei mir natürlech o verbi gluegt u gratuliert.
Die versprochene Photos vo Gabis Geburi si itz endlech ufem Blog.
D’Photos chame im Post vom 16. ga aluege. Aus Vorgschmack fang ds’Photo vom Geburi-Ching ir Tracht:
D’Überraschigs-Party für ds’Gabi isch sehr guet glunge. Sie het sehr verduzt usgseh wo sie isch i Ruum cho u aui Gäst i traditioneller Chleidig uf se hei gwartet.
Update:
Faus öpper sis Foto möcht entfernt ha, gäbet eifach churz Bscheid. De nimmenis wieder drab.
Mir hei für Gabi Moors 30. Geburi es Chinder-Büechli mit integriertem Gschenk-Guetschin bastlet.
Da sowou d’Manu aus o ig nid so Fan si bluti Guetschine z’verschenke hei mir üs entschiede es chlises Gschichtli z’erfinde wo vom Gabi u ihrem Hobby handlet und so o grad dr’Zweck vom Guetschin erklärt.
Mir si gspannt uf ds’erschte Fotobuech wo entsteit.
