Nachdem mir ufem Gurte si gsi am Namitg, si mir am Abe spontan zur Gotte Ste und zum Jerry. D’Bohne u d’Ste hei ja cheibe fescht zäme möge chüderle u brichte :)
Und erneut hani d’Wäutherrschaft in Civilization V chönne erringe. Diesmau hani e Kultursieg errunge und die ganz Wäut treit miner Blue Jeans und lost mini Pop-Musig :)
Inzwüsche laat sech d Sandra bim trinke la ablänke…sogar vo sich säuber. Hüt het si während em trinke duurend gfurzt, da hei mer beidi afa gugele u si het fasch nid chönne witertrinke.
I bi hüt Abe mitem Gabi go shoppe. Z erschte mau, woni d Sandra nid ha drbi gha. Isch komisch gsy, het aber o mau guet ta.
Dä Abe hei d’Bohne und ig zum erscht Mau allei (auso z’Zwoit) müesse z’Schlag cho. Mir si Beidi dr’Meinig, dass mir das super gmacht hei.
Das isch ja schnäu gange… Mis us de Staate ersteigerete Schwert (Ice, Sword of Eddard Stark us A Song of Ice and Fire [aka Game of Thrones]) isch bereits bi üs acho.
Uf dem Bild chunnt die speziell verzierti Klinge nid so zur Geltig. Hie geit’s zum Produktbild wome’s besser gseht.
D’Manu und i hei ds’neue Brettspiu „Jamaica“ usprobiert. Es optisch wunderschöns Spiu wo sech liecht laht la spiele; churzi, knackigi Rundene het; und mä schlüpft id’Roue vo Pirate!
Bild von Matthew Marquand (über http://boardgamegeek.com/)
Dieser Tage isch ds’Berndütsche Wörterbuech, wo mir bsteut hei, itroffe. Das isch e wahre Fundus für urchigi Usdrück und scho fasch e Duden für die Berndütschi Schrift.
Mi Favorit bis itze isch ds’Wort Chräätzigoum füre Chindergarte 🙂
Mir si uf Schenke ga ds’Grosi und dr’Grösi bsueche. Für d’Bohne isches ds’erschte Mau gsi, dass sie so wyt greiset isch. Und o ds’erschte Mau bim Grosi.
Es isch Thunfescht gsi und so bini mit Fründe zäme dür d’Gasse zoge u ha e gmüetleche, füecht-fröhleche Abe dörfe gniesse.
Zum Teil het’s ja Jugendlechi gha, die würd ig zu so später Stund nüm allei la umezieh, aber das isch es angers Thema.