I ha im Internet (Ricardolino.ch) es super Agebot gfunde; es haubs Chinderzimmer (Bett, Schrank u Wickutisch) zumne Priis wo mä angerswo füre Transport würd zahle.
Wenn Nüt derzwüsche chunnt, de wirdeni Mitti Februar gschäftlech uf Schwede flüge zum bimne wichtige Chunde-Meeting derbi z’si. I bi scho itz ufgregt :)
Nach über 2 Jahr hani itz endlech es Badzimmer-Möbeli zuecheta; und i finges super. Wieso hani mi äch solang dergäge gwehrt?
Mike het e Männer-Abe organisiert mit gnue Bier und em erschte Grille i däm Jahr. Das isch sehr flott.
Bim Wäger z’Mittag hei mir mis Mami u mini Schwoscht chönne mit grosse News überrasche – die Zwoi si fasch vo de Stüeu gheit =)
Mir hei wieder mau e Fototermin mit Aschi gha. Es isch aues i bester Ornig u sie wachst u gedeiht prächtig :)
D’Manu, die zuekünftigi Frou Wäger, het mit Trändli i de Ouge JA gseit! I bi huere happy!
Iz het doch dr Pädu tatsächlech mini Eutere um mini Hand bäte. Da hätt i jetz würklech nid drmit grächnet. I bi grad rächt häppy :)
Entgege mine Befürchtige isch mis iPhone glücklecherwys doch nid socke.
I bi ja geng stoiz gsi druf, dass mis Grät im Verglich zu Angerne dütlech lengeri Akku-Loufzyte ufwiest. Das het sech die letschte Tage äbe drastisch gänderet, so dass dr’Akku nach eire Nacht nume da liege a die 25% het verlore…
Itz isch aber wieder guet u i ha miteme bitzeli Nutzig u 24 Schtung StandBy nume grad 12% verbruucht. So gfauts mehr 🙂