Hüt het d Ste geburi gha u mir sy zum Apéro iglade gsy. D’Sandra und ig sy mitem Zug u Poschi zum Pädu u när si mer aui zämä zu Sterrys witer. Proscht Ste – und es isch u fein gsy, au die säubergmachte Sache. Published on 11. Februar 2014 by Manu
D Sandra nimmt inzwüsche ihres Puzzlemätteli scho rächt tifig usenang…u innert churzer Zyt cha sech üses Wohnzimmer ines chliners Chaos verwandle. Si het d Buechstabe u Zahle o scho em Gizmo schmackhaft wöue mache … dä würd sofort häufe spile (wesi nid so würd umefuchtle dermit). Published on 8. Februar 2014 by Manu
Pädu het gester u hüt s Näscht ghüetet mit Fieber u Ercheutig u d Sandra isch o wider verschnuderet… Mir fäut komischerwis gar nüt… Normalerwis bini di erschti wo nid zwäg isch. Published on 6. Februar 2014 by Manu
I hami hüt im Globus la schminke. Zur Wiehnacht hani vo mire Gotte Beatrice es super Schminkset vo Lancome übercho und dr Globus het äbe so o grad iglade, fürnes uftrage vom MakeUp. Isch cool gsy u mit em Resultat bini o sehr zfride. Published on 4. Februar 2014 by Manu
Ab hüt gits jetz es Momentli Pastinake aus Gmües für Sandras zMittag. Si schints genau so gärn z ha wie ig…wobi si mi scho müehsamer hei tüecht zum Rüschte u Schnäbserle aus d Rüebli. Published on 1. Februar 2014 by Manu