D’Freunde alter Landmaschinen (Sektion Bern) hei ihres 20-jährige Bestehe gfyret und es grosses Fescht verastautet. Mir sy da o ga luege und hei chönne stuune abeme Traktor vo 1929. De Cheib het öppe 20 Minute bruucht zum starte :) Published on 17. August 2014 by Pädu Wäger
Nach geile säuber gmachte Burger hei mir Star Wars: Edge of the Empire (es Pen-and-Paper Rollespiu) gspiut. I ha mi derbi aus GameMaster versuecht und ha müesse merke, dass das cheibe astrengend isch… Published on 16. August 2014 by Pädu Wäger
Üsi chli Bohne faht itz richtig afa loufe. Mit Hiuf vom Rollator het sie ihri erschte Meter dür d’Wohnig zrügg gleit. Published on 14. August 2014 by Pädu Wäger
Chum e Wuche här, scho het d Sandra Poscht vom Amt übercho. Jetz isch o üsi chlini Bohne usgrüschtet mit ere ID. Published on 12. August 2014 by Manu
I ha mau öppis neus probiert bezüglech Frisur/Chopfbehaarig. Published on 10. August 2014 by Pädu Wäger Mini summerlechi Alegi isch em warme Wetter z’verdanke:
Dr Urs, üse gmeinsam Götti-Bueb, isch 7ni worde u geit abem Mänti de o scho id’Schueu. Wie d’Zyt vegeit. Published on 9. August 2014 by Pädu Wäger
Nachdäm d Sandra u ig superfein zMörgelet hei, hei mir üs am Nami parat gmacht für ihri erschti Identitätscharte. Sy isch mau wider sehr pflegeliecht gsy. Bereits s erschte Föteli hett mä chönne bruche. Ufem Heiwäg hett sy riise fröid gha, im Zug umezturne, u aues ds kommentiere wo si gseht :). Mä merkt nümm, dass si chrank isch gsy (ussert haut, das mä gseht, dass sy e biz het abgnoh). Published on 7. August 2014 by Manu
Mi erscht Arbeitstag sit drü Wuche. Drfür grad e längi Schicht (15.00-22.00 inklusive Abschliesse vom Kafi). Es freut mi, dass i das Vertroue vo de Scheffe cha gniesse, dass si mi s Budeli zwüschdüre allei lö la schmeisse. Das tuet guet. Published on 6. August 2014 by Manu
Mir drü sy hüt mit der Familie Eggima vo Chnoflige uf Morschach go bade i Swiss Holiday Park. Zwar het sech der Wäg dert häre rächt zoge (o nid zletscht, wöus er Sandra irgendwie nümm so passt het, allei hinge im Outo), aber d Badi isch cool gsy u mir hei aui üse Spass gha. Ufem Rückwäg sy mer ds Bärau im Adler no go z Nacht ässe. Isch u fein gsy – aber riiise Portione. Dahei isch d Sandra chum im Bett gläge, scho het si tief u fescht gschlafe. Published on 5. August 2014 by Manu
D’Sandra u ig sy hüt ändlech der Renato (Kolleg vo der Privera) go bsüechle, nachdem mers jetz zwöi Mändige hei müesse verschiebe. Är het im Mai ä Härzinfarkt gha, so öppis schockt scho grad. Später sy mer no witer zu Grosmami u Ätti u hei dert der Abe la usklinge. Published on 4. August 2014 by Manu