I ha mis erschte Mensa-Vereinsheftli übercho und mi o grad direkt dra gmacht die 2 gsteute Puzzles z’löse, was mir de o glunge isch.
Miner Lösige hani o bereits igschickt – mä cha nämlech sogar öppis gwinne (zB es Abo für es spezieus Rätsu-Heftli)
I bi zum Lüku, so dass mir e Abe lang ohni üser Froue so richtig ei chönne umegeeke u -nerde. Es tuet guet we mä über diversi vo de geekige Theme unger Gliichgsinnte cha quatsche (u nid schreg agluegt wird :D)
Das neue Charte-Spiu (Android Netrunner), woni vorletscht Wuche gchouft ha, isch echt dr’Hit. D’Manu gwinnt meistens aus Hacker und ig aus MegaCorp gseh rächt aut us :(
Aber es zeigt sech, dass da würklech viu Inhaut füre Priis ir Box isch. D’Manu spiut bis itz nume 1 vo 3 mügleche Hacker und i bi o geng die gliich MegaCorp (vo 4 wo zur Uswau stöh).
I ha mis Mitarbeiter-Gespräch gha und ha viu Lob und es guets Zügnis übercho. Das macht Freud!
Mir hei d’Familie Moor zum Znacht zure Burger-Party iglade. Botz, sy das geili Burger worde :) Mike u ig hei üs de o grad liecht überesse derbi =)
I ha chli früecher Fyrabe gmacht zum ds’schöne Wetter no chli ir Badi chönne z’gniesse. U ha de o no grad mini Cousine troffe woni doch scho syt mehrere Jahr nüm ha gseh.
I ha mir es neus Charte-Spiu (Android: NetRunner) gänggelet und de o grad mit dr’Manu chönne die erschte Rundine spiele.
Es isch nid ganz eifach gsy i ds’Spiu ine z’finge, mittlerwiele klappet’s aber recht guet.
Glichzytig muessi aber o säge, dass das Spiu no viu Müglechkeite bietet we mäs de chli besser kennt.
D’Sandra het entdeckt wie sie mitem Muuh ufem Arm cha Furz-Grüüsch mache … und nid gspart dermit :)