I ha rächt müesse schmunzle, woni hüt bim ichoufe im Coop da drann verbi bi gloffe :)
Die kommende Zähn wei o putzt wärde… Mir hei feschtgsteut, dass es nid nur ei sondern zwe Zähn si, wo unge chöme :) u dä rächts isch jetz scho es bizli sichtbar, da hani mer doch dänkt, mir mache d Sandra hinech mit ihrem Zahnbürschtli u Zahnpaschta vertrout. Si het s Zahnputze sehr interessant gfunge.
D’Manu u ig hei üs z’Zwoite höch versuecht am Robinson Crusoe Szenario wo mir am Sunnti so locker gwunne hei, und mir hei beidi mau grässlech ufe Techu übercho. I has gliebt :)
I ha mi ja chli „bechlagt“, dass ig es bitzeli enttüscht bi gsy wüu mir das üs unbekannte Szenario am Sunnti im erschte Alouf hei gschafft. Itz isch wieder guet – irgendwie hanis haut bi däm Spiu lieber wenn mä nid geng gwinnt.
Gschafft! Üsi Stürerchlärig isch verschickt und frei gäh. So früeh bini äuä no nie gsy (eigetlech hätti se sogar beteits am 26.2. fertig gha).
Diese Sunnti Namitag si Reby und Lüku zu üs cho und mir hei üs nume so dür d’Brettspiu daddlet und glichzytig d’Grillsaison eröffnet :)
Mir hei d’Spiu viu Spass gmacht, aber i wünschti mir scho, dass mir ds’Robinson o mau verliere we mer z’Vierte höch spiele.
We d’Manu ug ig z’Zwoite höch spiele, de isches nämlech öppe 50-50 ob mir uf dr’Insle überlebe oder sterbe 🙂
Robinson isch es kooperativs Spiu wo verschiedeni Szenarie bietet rund um ds’Thema überlebe ufere abgschiedene Insle. Und es isch echt happig und het jede Tag neui Gfahre und Herusforderige uf Lager.
Vouer Freud hei mir üs ufe Weg nach Schenkon gmacht zum mim Mami zum Geburi z’gratuliere. Grosi u Grösi isches aber fasch meh um d’Sandra gange :)
Mir hei im Aute Tramdepot am John sini Fründin (o e Sandra :)) dörfe lehre kenne und gmeinsam e gmüetleche Abe mit feinem Ässe verbringe.
I mire Mittags-Pouse bi ig ufene Video gstosse wo nume so vo Nerdtum trieft, glichzytig aber schlechter fasch nüm cha si :(
Dr’Sänger, Leonard Nimoy, isch dr’Darsteller vo Spock us Star Trek (Spock isch dä wo d’Finger so komisch spreizt zum grüesse).
Bilbo Baggins heisst uf Dütsch Bilbo Beutlin und isch dr’aut Hobbit us de Herr der Ringe Filme.
Dr Früehlig chunnt! Bi üsem usgiebige Spaziergang, womer hüt hei gmacht, hei mer so richtig dr Früehlig gspürt, wo ir Luft isch gsy! Mir hei das herrleche Wätter gnosse :)
I ha hüt d Badehiuf usteschtet, womer chürzlech hei gkouft, da d Sandra mitem Bebe-Badwänndli so fescht het afa umeplansche, dass si die haubi Chuchi unger Wasser gsetzt het ;) I bimer no nid ganz so sicher, wasi vo dere Badehiuf haute. Gäbig isch sicher, dass me s Bebe nid die ganz Zyt muess häbe…aber ds Wäsche isch nid ganz so eifach, wesi i däm Ding hocket.
