Nachdem i üse Wiehnachtsboum ir Stube ufgsteut ha, het d’Bohne iri LEGO ghout und e chlinere Boum bastlet wüu sie bim Grosse ja nid wird ufemöge zum schmücke. Published on 22. Dezember 2015 by Pädu Wäger
Mir hei bereits üses erschte Wiehnachtsfescht bi mim Mami und em Brösi in Schenkon dörfe fyre. Es isch schön gsy u d’Sandra het sech riesig gfreut über irer Gschenkli. Published on 19. Dezember 2015 by Pädu Wäger
Ferie! Dies Jahr isch für mi fertig mit bügle, de ersch 2016 ume :) Published on 18. Dezember 2015 by Pädu Wäger
I ha chürzlech wieder amne Ring-Tusch für Brettspiu mitgmacht u bi itze die ertuschte Spiu i mim Postfach ga abhole. Itz hei mir 9 Spiu daheime wo mir no bie gspiut hei… :) Published on 15. Dezember 2015 by Pädu Wäger
Es isch e erschti Lieferig vo üser Mittuauter-Usrüstig itroffe. I cha itz afa Chettehemd bastle u d’Manu üebt fang mit Schiud u Schwert. Published on 14. Dezember 2015 by Pädu Wäger
I bi hüt mit der Laura bire Osteopathin gsy. D‘ Hebamme het mir das empfohle, da d’Laura immer mau wider chly mit Chrämpfli ds kämpfe het (am Abe geng meh). Es isch sehr interessant gsy, zuedsluege, wie die Frou s ‚Glichgwicht‘ wider chly härgsteut het. Und d‘ Laura het sehr ufmerksam mitgmacht. Published on 11. Dezember 2015 by Manu
Es isch härzig, wie sech d‘ Sandra über ihre Adventskaländer freut u sech jedes Mau ganz lieb fürs Päckli bedankt. Published on 11. Dezember 2015 by Manu
D‘ Marianne het mir ihres Brätzeli-Ise usglehnt. D‘ Sandra und ig heis am Dsischtig mau usprobiert. Für mis erschte Mau Brätzele, si sie rächt guet usecho. Auerdings isch die erschti Ladig scho fasch ufgässe, muess auso sicher no Nachschueb häre :) Published on 10. Dezember 2015 by Manu
Obwou bereits Dezember isch, hei mir dr’Grill fürepackt und säuber Burger gmacht mit Haguhans-Burger vom Metzg (die sy ca 150 g pro Fleisch). Het richtig geili Burger gä wo so dick sy worde dass Chiefer-Usrenk-Gfahr bestande het :) Published on 5. Dezember 2015 by Pädu Wäger