Hüt hei d’Girls und ig rächt es Programm gha. Mit Kömmerle, uf Thun mitem Bus für Lauras ID ds mache u wider retour, es Bsüechli im Kafi woni gschaffet ha und zu gueter Letscht schön lange Ufenthaut ufem grosse Spieuplatz bi der Schueu. Published on 15. Juni 2016 by Manu
D’Sandra het mir hüt verzeut dass sie mis Bad putzt het, speter hani vor Manu no erfahre, dass o mini Zahnbürste isch putzt worde… Na, da bini aber mau gspannt :) Published on 14. Juni 2016 by Pädu Wäger
Chürzlech bini über es Rezept gstouperet wie mä sich säuber eifach cha Beef Jerky mache. Das Wuchenend isches so wit gsy, u itz hange d’Bitze im Ofe u werde dörrt. Published on 12. Juni 2016 by Pädu Wäger
D’Sandra het am 32. Heimberger Giele- u Meitlilouf mitgmacht, ir Kategorie Bambini het sie so 300 Meter müesse seckle. Published on 11. Juni 2016 by Pädu Wäger Bi de Chlinschte het jewius e Eltere-Teil dörfe mitseckle.
Gotte Ste (Sandras Gotte m) u dr’Jerry sy üs cho bsueche und hei sech la überzüge vo mine Fähigkeite us Schweine-Rippchen lecker Znacht zuez’bereite :) Published on 5. Juni 2016 by Pädu Wäger
I wierde geng besser mit em Zöpfle :) mit Sandras fiine Haar isches schono so usefordernd. Published on 5. Juni 2016 by Manu
Syt hüt cha d’Laura richtig am Tisch hocke mit üs. Es isch no chli waggelig, aber sie freut sech sehr dass sie itz meh cha teilnä; und o d’Sandra freut sech o sehr cha sie itz besser mit dr’Schwester löle… Published on 4. Juni 2016 by Pädu Wäger
Es isch ungloublech wi schnäu die Ching wachse. Bim hütige Termin vor Müettereberatig hei mer festgsteut, dass d’Sandra scho 96,5 cm u d’Laura 69 cm isch. U zäme bringe sie scho über 20 kg uf d’Waag (14 & 8). Published on 3. Juni 2016 by Manu
Schön zwüschdüre o chly Ferie ds ha. D’Sandra het jetz grad paar Täg, wosi bi Grosi u Grösi isch – u i dere Zyt chani mau diverses dahei mache, wo süsch nid so gäbig geit. Und d’Laura u ig lehre üs o grad chly angers kenne – mir sy ja sit em Spitau nümme allei gsy. Published on 1. Juni 2016 by Manu