Selfies
I bi nid diä wo vieu Selfies macht, aber zwüschdüre chas durchus luschtig sy. Bi disne Selfies sy drü Jahr derzwüsche.
Chino – Sandras Prömierä
Wöu Pädu und ig ungloublech stouz uf d’Sandra sy, wöu sie sit de Ferie gar ke Windle meh het, hei mir üs öppis überleit um sie chly ds Belohne.
Si het hüt ihri erschti Chino-Vorstellig dörfe erläbe. ,My little Pony‘ het sie durchus fasziniert 🙂
U ig bi o froh gsy, dases so guet gloffe isch – wierd öppe ab jetz immer mau wider öppis ds Luege gäh.
Herbst-Baschteleiä
I freue mi immer wider, weni vom Schaffe hei chume und gseh wi mis Mami mit dä Ching baschtlet het.
Di schöne Herbscht-Biuder hani doch glatt grad müesse ufhänke füre Herbscht izlüte. Gfaut mer sehr 🙂
U sy hei änang eifach gärn…
Sandra Stuhl
Nachdäms jetz öppe Päpu-Stuhl und Mami-Stuhl het gäh (Schnidersitz und s Chind hockt dri für d Schueh azlegge) gits jetz o der Sandra-Stuhl… er isch auerdings no nid so komfortabu 😉
Arbeitsafang :)
Juhuu, i ha der Job übercho. Hüt hani o scho grad mi erscht Arbeitstag gha. I bi grad sehr happy 🙂
Achtung, fertig, Trotti!
Jetz wott sis aber wüsse, d’Laura.
Mit Sandras Helm bewaffnet und Sandras Trotti ungerem ‚Arm‘ häts grad söue los gah … 
Probeschaffe
Mis Vorstelligsgspräch bi Stauffer Metallbau isch schinbar rächt guet gloffe. I ha hüt Nami dörfe go Probeschaffe. Morn sött i Bscheid übercho. D’Lüt sy nätt und es het u gfägt mau wider so ds Schaffe wi früecher. I wünsche mir sehr, dass das öppis wierd.
Kunstwärk ir Spieugruppe
Sandras Kunstwärk het grad ä Ehreplatz übercho dahei.
No di letschte Summertäg gniesse
Düre Tag no chly d Sunne gniesse und am Abe mit Fründe zäme sy… wi herrlech 
